မိုးတွင်းကာလမှာ အဖျားပိုးလွယ်ကူစွာဝင်ရောက်ခြင်းမရှိစေဖို့

တုပ်ကွေးရာသီလို့ပြောလို့ရတဲ့ မိုးတွင်းကာလမှာ ကိုယ်ခံအားကောင်းဖို့ အရေးကြီးလှပါတယ်။ ကိုယ်ခံအားနည်းနေရင် ရောဂါပိုးဝင်ရောက်ဖို့ လွယ်ကူသွားပါပြီ။ ဒါ့ကြောင့် အအေးမိ၊ နှာစေး၊ ချောင်းဆိုးရင်တောင် လုံးဝမပေါ့ဆသင့်ဘဲ ဆရာဝန်နဲ့ပြသသင့်ပါတယ်။ ဒါ့ကြောင့် ကိုယ်ခံအားကောင်းမွန်ပြီး အဖျားပိုလွယ်ကူစွာဝင်ရောက်ခြင်း မရှိရလေအောင် အခုဖော်ပြပေးမယ့် အချက်လေးတွေကို လိုက်နာဖို့လိုပါတယ်နော်။

(၁) အာဟာရမျှတစွာစားသုံးပါ

နေထိုင်စားသောက်မှုကို သေချာဂရုစိုက်ဖို့လိုပါတယ်။ နှာစေး၊ လည်ချောင်းနာရင် ဂျင်းပြုတ်ရည်သောက်ပေးလို့ရပါတယ်။ အစိမ်းရောင်အသီးအရွက်များ၊ အသားငါးများကို မျှတစွာစားသုံးဖို့လည်း လိုအပ်ပါတယ်။ ဒါမှအင်အားပြည့်ဝစွာနဲ့ အဖျားရောဂါကိုခုခံနိုင်မှာပါ။ မိုးမိပြီး အအေးမိတဲ့အခါမှာ ဂျင်းပြုတ်ရည်၊ စွပ်ပြုတ်ပူပူလေးကို သောက်သုံးပေးလို့ ရပါတယ်။

(၂) အိပ်ရေးဝဝအိပ်ပါ

တစ်နေ့ကို၈နာရီအိပ်ဖို့လိုပါတယ်။ အိပ်ရေးဝဝအိပ်မှ ရောဂါများကို ခုခံနိုင်စွမ်းအားရှိမှာပါ။ ကိုယ်ခံအားကောင်းနေမှ ရောဂါပိုးမွှားများ အလွယ်တကူမဝင်ရောက်နိုင်တော့ပါဘူး။ ညဘက်မှာနှစ်နှစ်ခြိုက်ခြိုက်အိပ်မပျော်ဘူး ဆိုရင်တော့ နွားနို့ပူပူလေး တစ်ခွက်ကိုသောက်သုံးပေးပါ။ ယောဂကျင့်စဉ်ပြုလုပ်တတ်သူဆိုရင်တော့ အိပ်ခါနီးမှာ ယောဂကျင့်လို့ရပါတယ်။ ဒါဆိုရင်တော့ နှစ်နှစ်ခြိုက်ခြိုက်အိပ်ပျော်စေပါတယ်။

(၃) လက်ကိုစင်ကြယ်စွာဆေးကြောပါ

စားသောက်နေထိုင်မှုပုံစံတွေ ဂရုစိုက်ရမယ်ဆိုပေမယ့်လည်း တစ်ကိုယ်ရည်သန့်ရှင်းမှုရှိဖို့လည်း လိုပါတယ်နော်။ လက်မှာကပ်ငြိနေတတ်တဲ့ မမြင်နိုင်တဲ့ဘတ်တီးရီးယားပိုးမွှားများမှတစ်ဆင့် အဖျားရောဂါဝင်ရောက်တတ်ပါတယ်။ နှာချေ၊ ချောင်းဆိုးလိုက်တဲ့အခါမှာ ပိုးမွှားကပ်နေတဲ့လက်နဲ့ နှာခေါင်း၊ ပါးစပ်တွေကိုပွတ်လိုက်မိမယ်ဆိုရင် ရောဂါပိုးကအလွယ်တကူဝင်ရောက်သွားနိုင်ပါတယ်။ ဒ့ါကြောင့် လက်ကိုအမြဲသန့်ရှင်းနေအောင် ထားဖို့လိုပါတယ်နော်။ အသုံးပြုပြီးသားတစ်ရှူး၊ လက်ကိုင်ပဝါတွေကိုလည်း စနစ်တကျစွန့်ပစ်ဖို့လိုပါတယ်။ ဖြစ်နိုင်ရင် Hand Gel ကိုကိုယ်နဲ့မကွာဆောင်ထားဖို့ လိုပါတယ်နော်။

(၄) စိတ်ဖိစီးမှုကိုဖြေလျော့ပါ

စိတ်ကျန်းမာမှ ကိုယ်ကျန်းမာမှာပါ။ ဒါ့ကြောင့် စိတ်ဖိစီးမှုများကို ဖြေလျော့ပေးဖို့လိုပါတယ်။ သီချင်းနားထောင်ခြင်း၊ တရားထိုင်ခြင်းစသဖြင့် နည်းမျိုးစုံနဲ့စိတ်ဖြေလျော့လို့ရပါတယ်နော်။ စိတ်ညစ်တဲ့အချိန်မှာ စားသုံးသင့်တဲ့အစားအစာတွေလည်း များစွာရှိပါတယ်။ ချောကလက်အနက်၊ ဝိုင်နီ၊ အစိမ်းရောင်အသီးအရွက်များကို များများစားပေးပါ။

(၅) လေ့ကျင့်ခန်းလုပ်ပါ

တစ်နေ့ကိုမိနစ်၃၀ခန့် လေ့ကျင့်ခန်းပြုလုပ်ဖို့လိုပါတယ်နော်။ ကိုယ်လက်လှုပ်ရှားမှုတွေပြုလုပ်မှ ကျန်းမာလှပနိုင်မှာပါ။ ဒါ့ကြောင့် နာရီဝက်ခန့်လမ်းလျှောက်ထွက်တာပဲဖြစ်ဖြစ်၊ အားကစားတစ်ခုခုပြုလုပ်တာဖြစ်ဖြစ် ပြုလုပ်နိုင်ပါတယ်။

 

နန်း (ရွှေအင်းလေး)

Be the first to comment

Leave a Reply

Your email address will not be published.


*