နှာစေး၊ နှာပိတ်ခြင်းအတွက် အလျင်မြန်ဆုံးသက်သာစေမယ့်အိမ်တွင်းကုထုံး

Red haired woman with yellow shirt blowing nose isolated over white background

အခုလိုမိုးရာသီမှာ အအေးမိလို့နှာစေး၊ နှာပိတ်တဲ့အခါ အချိန်မှီကုသမှုမခံယူရင် ချောင်းဆိုးခြင်း၊ လည်ချောင်းနာခြင်း၊ အသက်ရှူရခက်ခြင်းစတာတွေအပြင် တုပ်ကွေးရောဂါကဲ့သို့သော နောက်ဆက်တွဲရောဂါဆိုးတွေ အလွယ်တကူဖြစ်ပေါ်နိုင်ပါတယ်။ ဒါ့ကြောင့် နှာပိတ်၊ နှာစေးတဲ့အခါမှာ မပေါ့ဆသင့်ဘဲ အလျင်မြန်ဆုံးသက်သာအောင် ကုသဖုိ့လိုပါတယ်။ အခုခါမှာဆိုရင်တော့ အိမ်မှာပဲကုသနိုင်တဲ့ နည်းလမ်းကောင်းလေးကို ဝေမျှပေးချင်ပါတယ်။

(၁) ရေနွေးငွေ့ဖြင့်ကုသနည်း

အသက်ရှူလမ်းကြောင်းမှာ ပိတ်ဆို့နေတတ်တဲ့ ဖုန်မှုန့်၊ အညစ်အကြေးနဲ့ ဘတ်တီးရီးယားပိုးမွှားများကြောင့် နှာပိတ်၊ နှာစေးခြင်းဖြစ်ရတာမျိုးလည်း ရှိပါတယ်။ ဒီလိုပိုးမွှားတွေကို  ရှင်းထုတ်ဖို့အတွက် ရေနွေးငွေ့နဲ့ကုသတဲ့နည်းလမ်းက အကောင်းဆုံးပါပဲ။ ရေနွေးကိုပွက်ပွက်ဆူအောင်တည်ပြီး ငရုတ်ကောင်းမှုန့်အနည်းငယ် ရောထည့်လိုက်ပါ။ ပြီးရင်တော့ ဇလုံထဲထည့်ပြီး ရေနွေးငွေ့အပြည့်အဝရရှိဖို့အတွက် တဘတ်တစ်ထည်ကို ခေါင်းပေါ်မှအုပ်လိုက်ပြီး ရေနွေးငွေ့ကို မိနစ်အနည်းငယ်ခန့် ခံယူပါ။ မျက်လုံးမှိတ်ပြီး အသက်ကိုရှူသွင်း၊ ရှူထုတ်လုပ်ပေးပါ။ ရေနွေးငွေ့အရှိန်ကြောင့် နှာပိတ်တာ၊ နှာစေးတာကိုသက်သာစေတာကို တွေ့ရမှာပါ။ ဒါ့အပြင် နှာပိတ်လို့ နှာခေါင်းနာတာ၊ နီမြန်းတာနဲ့ အသက်ရှူမဝတာမျိုး ဖြစ်တာတွေအတွက် သက်သာစေတဲ့ နည်းလမ်းကောင်းလေးပါပဲ။ ဒီနည်းလမ်းအတိုင်းကို တစ်နေ့လျှင် သုံးကြိမ်အထိပြုလုပ်ပေးမယ်ဆိုရင် နှာပိတ်ပြီး အသက်ရှူရခက်တာမျိုး မဖြစ်တော့ပါဘူးနော်။

(၂) အဝတ်စနွေးနွေးလေးဖြင့်ကုသနည်း

ရေနွေးငွေ့ဒဏ်ကိုတိုက်ရိုက်မခံနိုင်တဲ့သူတွေအတွက်တော့ အဝတ်စကိုရေနွေးထဲစိမ်ပြီး ကုသတဲ့နည်းလမ်းလေးကို အသုံးပြုနိုင်ပါတယ်။ သန့်စင်တဲ့လက်ကိုင်ပဝါတစ်ထည်ယူလိုက်ပါ။ ရေနွေးထဲစိမ်လိုက်ပြီး ရေညှစ်လိုက်ပါ။ အပူဓာတ်ရတဲ့ လက်ကိုင်ပဝါကို နှာခေါင်းနဲ့ နဖူးပေါ်ကို မိနစ်အနည်းငယ် ပွတ်တိုက်ပေးပါ။ နဖူးနဲ့နှာခေါင်းဆုံရာနေရာ ထိပ်ကလေးမှာ ရေနွေးစိမ်ထားတဲ့အဝတ်စလေးနဲ့ အထက်ကိုပင့်ပြီးအသာအယာပွတ်ပေးပါ။ ဒီတ်ိုင်းတင်ထားလို့လည်းရပါတယ်။ အဝတ်စအေးသွားရင် ရေနွေးထဲပြန်စိမ်ပြီး ဒီနည်းလေးအတိုင်းပြန်လုပ်ပါ။   နှာပိတ်လို့ စိတ်မကြည်မလင်ဖြစ်ပြီး ခေါင်းကိုက်တာအတွက်လည်း သက်သာစေတာကို တွေ့ရမှာပါ။ နှာစေးပြီးနှာခေါင်းပိတ်တဲ့ဒဏ်ကြောင့် နှာခေါင်းနာတာ၊ စပ်တာတွေကို သက်သာစေဖို့အတွက် အကောင်းဆုံးနည်းလမ်းလေးပါပဲ။

(၃) ဆေးဖော်နည်း

ဒီဆေးရည်ကတော့ အဖျားပိုးဝင်ရောက်ခြင်းမှ ကာကွယ်နိုင်ပြီး နှာစေး၊ နှာပိတ်ခြင်းဖြစ်ပေါ်စေတဲ့ ဘတ်တီးရီးယားပိုးမွှားများကိုလည်း သေစေနိုင်ပါတယ်။ ပြုလုပ်ရမှာကတော့ ရေတစ်ဖန်ခွက်ကို ပွက်ပွက်ဆူနေအောင်တည်ပါ။ ပွက်ပွက်ဆူနေတဲ့ရေနွေးထဲကို ကြက်သွန်ဖြူ၎မွှာ ထည့်ကျိုပေးပါ။ ကြက်သွန်ဖြူတွေ ပျော့သွားပြီဆိုရင်တော့ နနွင်းမှုန့်စားပွဲတင်ဇွန်း တစ်ဝက်ခန့်ရောထည့်လိုက်ပါ။ ပြီးရင်တော့ ငရုတ်ကောင်းမှုန့်နည်းနည်းလေး ခပ်လိုက်ပါ။ ၂မိနစ်၊ ၃မိနစ်ခန့် မီးအပူပေးပြီး ဆေးဝါးအဖြစ် မှီဝဲနိုင်ပါပြီ။ ဒီဆေးကိုတော့ တစ်နေ့ကိုတစ်ကြိမ်သောက်သုံးပေးလို့ ရပါတယ်နော်။

နန်း(ရွှေအင်းလေး)

Be the first to comment

Leave a Reply

Your email address will not be published.


*