ဆေးလိပ်သောက်ချင်စိတ်ကိုထိန်းချုပ်နည်း

ဆေးလိပ်သောက်ခြင်းက ကျန်းမာရေးကို ဆိုးရွာစွာထိခိုက်စေတယ်ဆိုတာ လူတိုင်းသိကြပေမယ့် ဘာ့ကြောင့်မဖြတ်နိုင်ရတာပါလဲ။ ဆေးလိပ်မှာပါဝင်တဲ့ဓာတ်များက လူကိုစွဲလန်းမူးယစ်စေပါတယ်။ သောက်မိပြီးရင် ဖြတ်ဖို့ဆိုတာ ထင်သလောက်မလွယ်ကူလှပါဘူး။ ဆေးလိပ်မသောက်ရရင် ပါးစပ်ပဲချဉ်နေသလိုလို၊ ရေဆာနေသလိုလိုနဲ့ ဘာဖြစ်လို့ဖြစ်မှန်းကို မသိပါဘူး။ ဒီလိုကျန်းမာရေးကို အကျိုးမပြုတဲ့ဆေးလိပ်ကို ဖြတ်ချင်ပေမယ့် သောက်ချင်စိတ်ကို ထိန်းမရဘူးဆိုရင်တော့ အခုဖော်ပြပေးမယ့် နည်းလမ်းလေးတွေအတိုင်း လိုက်နာကြည့်လိုက်ပါနော်။ များစွာအထောက်အကူပြုမှာပါနော်။

(၁) ဆေးလိပ်နဲ့ပတ်သတ်တာမှန်သမျှအကုန်ရှင်းထုတ်ပစ်ပါ

ဆေးလိပ်ဖြတ်ပြီလို့ ဆုံးဖြတ်လိုက်တာနဲ့ ဆေးလိပ်တစ်လိပ်ကို လက်ချောင်းကလေးနဲ့ ချိုးလိုက်ရုံနဲ့မပြီးပါဘူးနေ်ာ။ အိမ်တွင်း၊ အခန်းတွင်းသန့်ရှင်းရေးလုပ်ဖို့လိုပါတယ်။ ဆေးလိပ်ပြာနဲ့ ဆေးလိပ်ပြာခွက်၊ ဆေးလိပ်အပိုင်းအစတွေကျန်ရစ်နေရင် ဆေးလိပ်သောက်ချင်စိတ်ပြန်လည် ဖြစ်ပေါ်လာတတ်လို့ပါ။ ဆေးလိပ်နံ့စွဲနေတဲ့ အကျီင်္တွေကိုလည်း သေချာလျှော်ဖွပ်လိုက်ပါအုံး။ အခြားလူအတွက်တော့ သင့်အဝတ်အစားကဆေးလိပ်အနံ့ကို မခံနိုင်ကြပေမယ့် ကိုယ်တိုင်သောက်တဲ့သူအတွက်တော့ အကျီင်္မှာစွဲကပ်နေတဲ့အနံ့ကလည်း အဖိုးတန်လေးဆိုပြီး အမြတ်တနိုးရှူရှိုက်မိနေမှာပဲ။ ဒီလိုနဲ့ပဲ ဆေးလိပ်အနံ့ရတာနဲ့ သောက်ချင်စိတ်ကို ပြန်လည်ဖြစ်ပေါ်စေပါတယ်။ ဒါ့ကြောင့် ဆေးလိပ်နဲ့ပတ်သတ်တာ မှန်သမျှအကုန်သာရှင်းထုတ်ပစ်ပါ။

(၂) ဆေးလိပ်နဲ့ပတ်သတ်တဲ့ အရာမှန်သမျှရှောင်ပါ

ဆေးလိပ်သောက်တတ်တဲ့ သူငယ်ချင်းအပေါင်းအသင်းတွေနဲ့ တွေ့တဲ့အခါမှာ ဆေးလိပ်သောက်ချင်စိတ်ဖြစ်ပေါ်လာမှာစိုးပြီး အိမ်တွင်းအောင်းမနေပါနဲ့။ ဆေးလိပ်သောက်ဖို့ ခွင့်မပြုတဲ့နေရာတွေမှာသာ သူငယ်ချင်းတွေကို ချိန်းဆိုလိုက်ပါ။ ရှော့ပင်းမောလ်၊ ဆေးလိပ်သောက်ဖို့တားမြစ်ထားတဲ့ စားသောက်ဆိုင်၊ ဘား စတဲ့နေရာတွေကိုသာ သွားလာပါ။ ဆေးလိပ်သောက်လို့ရတဲ့ နေရာတွေကို တတ်နိုင်သမျှရှောင်ပါ။ ကဖိန်းဓာတ်ပါဝင်တဲ့ ကော်ဖီကလည်း ဆေးလိပ်သောက်ချင်စိတ်ကို နိုးဆွပေးတာကြောင့် ဆေးလိပ်ဖြတ်နေတဲ့ အတောအတွင်းမှာ ကော်ဖီကိုရှောင်ကြဉ်တာ အကောင်းဆုံးပါပဲ။

(၃) ဆေးလိပ်သောက်နေကျအချိန်မှာ အခြားအရာကိုအစားထိုးပြုလုပ်ပါ

ရုံးမှာပဲဖြစ်ဖြစ်၊ အိမ်မှာပဲဖြစ်ဖြစ် ဆေးလိပ်သောက်နေကျအချိန်တွေ သတ်မှတ်ထားတဲ့သူဆိုရင်တော့ ဆေးလိပ်သောက်နေကျအချိန်မှာ အခြားအရာတစ်ခုခုကို လုပ်နေလိုက်ပါ။ Break time အချိန်မှာ လုပ်ဖော်ကိုင်ဖက်၊ အပေါင်းအသင်းတွေနဲ့ ဆေးလိပ်သောက်နေကျအချိန်မှာ ဂိမ်းကစားလိုက်တာပဲဖြစ်ဖြစ်၊ အကြောလျှော့ပြီး ခေတ္တအနားယူလိုက်တာပဲဖြစ်ဖြစ် တခုခုအစားထိုးပြုလုပ်ကြည့်လိုက်ပါ။

(၄) ဆေးလိပ်အစားထိုး ပီကေဝါးပါ

ပါးစပ်ကတစ်ခုခုလိုသလိုလိုဖြစ်ပြီး ခံတွင်းချဉ်နေတယ်ဆိုရင် ပီကေ၊ သကြားလုံးငုံထားပါ။ အာရုံလွဲတဲ့အနေနဲ့ စာအုပ်ဖတ်လိုက်တာ၊ လက်လေ့ကျင့်ခန်းလုပ်လိုက်တာမျိုး ပြုလုပ်ပေးနိုင်ပါတယ်။ အပြင်သွားတဲအခါမှာ ဆေးလိပ်ကိုလက်ကြားညှပ်ပြီး ယူသွားတတ်သူဆိုရင်တော့ ဆေးလိပ်နေရာမှာ ရေသန့်ဘူးကိုအစားထိုးလိုက်ပါ။ ဆေးလိပ်သောက်ချင်စိတ်ပေါ်လာရင် ရေသောက်လိုက်တာမျိုး ပြုလုပ်ရင် ကျန်းမာရေးအတွက်တောင် အထောက်အကူဖြစ်သေးတယ်။

(၅) အဆုတ်ကျန်းမာရေးကိုဂရုစိုက်ပါ

အဆုတ်တွင်းက လေတွေကိုသန့်စင်ဖို့အတွက် အသက်ပြင်းပြင်းရှူထုတ်၊ ရှူသွင်းတဲ့လေ့ကျင့်ခန်းကို ပြုလုပ်ပေးပါ။ လေကောင်းလေသန့်ရတဲ့နေရာမှာ အသက်ရှူလေ့ကျင့်ခန်းပြုလုပ်ပါ။ ရေများများသောက်ပေးဖို့လည်း လိုပါတယ်။ ရေများများသောက်ပေးခြင်းဖြင့် ဆေးလိပ်သောက်တဲ့ဒဏ်ကြောင့် ခန္ဓာကိုယ်တွင်းမှကျန်ရစ်ခဲ့တဲ့ အဆိပ်အတောက်များကို ဖယ်ရှားပေးပါတယ်။ ဒါ့အပြင် အဆုတ်အားကောင်းစေတဲ့ အစားအသောက်များကိုလည်း ရွေးချယ်စားသုံးပေးဖို့လိုပါတယ်နော်။

နန်း(ရွှေအင်းလေး)

Be the first to comment

Leave a Reply

Your email address will not be published.


*