မြန်မာနိုင်ငံတွင် စမတ်ဖုန်းဖြင့် ပထမဆုံးရိုက်ကူးသော မဂ္ဂဇင်းကာဗာ ရိုက်ကူးမှု

မြန်မာနိုင်ငံ၏ ရှေ့ဆောင်လမ်းပြ ဖက်ရှင်မဂ္ဂဇင်းဖြစ်သော
MODA မဂ္ဂဇင်းမှHUAWEI P Series ၏ နောက်ဆုံးပေါ် HUAWEI P10 Plus ကိုအသုံးပြုပြီး သြဂုတ်လစာစဉ်အတွက်
တမူထူးခြားသော ရိုက်ကူးမှုကို ပြုလုပ်ခဲ့ပါသည်။ MODA က လုပ်ရိုးလုပ်စဉ်အတိုင်း အသုံးပြုနေသည့် DSLR
ကင်မရာအစား HUAWEI P10 Plus ကိုကင်မရာအဖြစ်အသုံးပြုပြီး အရည်အသွေးကောင်းမွန်သော မျက်နှာဖုံးကာဗာ
ရိုက်ကူးမှုကို ပြုလုပ်ခဲ့ပါသည်။

ဓာတ်ပုံရိုက်ကူးရေးအတွက် တာဝန်ယူထားသည့် ဓာတ်ပုံပညာရှင် ကိုသီဟက “MODA မဂ္ဂဇင်းကနေ DSLR အစား စမတ်ဖုန်းကိုအသုံးပြုပြီး ရိုက်ကူးမယ့်အစီအစဉ်အတွက် ကျွန်တော့်ကိုဆက်သွယ်လာတော့ ဒီရိုက်ကူးမှုကို တော်တော့်ကို စိတ်ဝင်စားသွားတယ်။ ဒါက ဆန်းသစ်တီထွင်မှု ပုံစံသစ်တခုဖြစ်နေတာကိုး။ ကျွန်တော်က အပြင်မှာလည်း HUAWEI သုံးနေကျဆိုတော့ သူ့မှာပါတဲ့ အလင်းအမှောင် visual setting တွေကို လွယ်လွယ်ကူကူသုံးတတ်တဲ့အတွက် MODA ကချပေးတဲ့ Mysterious Night၊ Extraordinary နဲ့ Tech-Higher ဆိုတဲ့ Theme တွေကို ဓာတ်ပုံတစ်ပုံချင်းစီမှာ ပိုင်ပိုင်နိုင်နိုင် သုံးနိုင်ခဲ့တယ်။ DSLR ကင်မရာမှာက function တွေ အများကြီးပါပေမယ့် HUAWEI P10 Plus ကလည်း Cover Shot တွေကို ပရိုဖက်ရှင်နယ်ကျကျ ရိုက်နိုင်လောက်အောင် ကောင်းပါတယ်။ ဒီဖုန်းရဲ့ လုပ်ဆောင်နိုင်မှုတွေက အကန့်အသတ်ရှိရင်တောင် လူတယောက်ရဲ့ တီထွင်ဖန်တီးမှုက အကန့်အသတ်မရှိဘူးလို့ ကျွန်တော်ယုံကြည်တယ်။ သြဂုတ်လထုတ် မဂ္ဂဇင်းထဲက ကျွန်တော်ရိုက်ထားတဲ့ဓာတ်ပုံတွေကို အားပေးကြပါဦး။” ဟု ပြောကြားသွားခဲ့ပါသည်။

HUAWEI P10 Plus ၏ ကင်မရာသည် ကျွမ်းကျင်ဓာတ်ပုံဆရာများ အသုံးပြုနိုင်သလို အပျော်တမ်း အသုံးပြုများအတွက်လည်း လွယ်လွယ်ကူကူအသုံးပြုနိုင်ပါသည်။ ဓာတ်ပုံရိုက်ကူးရေးပြီးဆုံးသွားပြီးနောက် တည်းဖြတ်မှုပြုရာတွင် နဂိုမူလပုံ၏အရည်အသွေးကို မကျဆင်းစေဘဲ တည်းဖြတ်နိုင်သည့် DNG Raw Format ကို အသုံးပြုနိုင်အောင်လည်း စီစဉ်ထားပါသည်။
HUAWEI P10 Plus တွင်အသုံးပြုထားသည့် Leica Summilux F/1.8 lens အသစ်အား အလင်းရောင်နည်းပါးသည့် အချိန်တွင် အသုံးပြုနိုင်ရန် စီစဉ်ထားပါသည်။ ဤဖုန်းတွင် ၁၂ Megapixel နှင့် ၂၀ Megapixel ရှိသည့် ကင်မရာနှစ်လုံးပါဝင်ပြီး Optically Stabilized Color Sensor နှင့် Monochrome Sensor တို့ပါရှိခြင်းကြောင့် Leica ကင်မရာနည်းပညာ အသုံးပြုထားသော HUAWEI Smartphone Camera များ၏ ရုပ်ထွက်အရည်အသွေးအား ပိုမိုကောင်းမွန်စေပါသည်။

Huawei Technologies (Yangon) Co., Ltd ၏ Marketing Director ဖြစ်သူ မခင်ရတနာဝင်းကလည်း “ဒီဖုန်းတွေကို မေလမှာ စတင်ရောင်းချခဲ့ပြီးတော့ စမတ်ဖုန်းတွေက ကင်မရာတွေနေရာမှာ ဘယ်လိုအစားထိုး ဝင်ရောက်နေတယ်ဆိုတဲ့အကြောင်းကို MODA မဂ္ဂဇင်းတည်ထောင်သူ မထင်ထင် နဲ့ ပြောဖြစ်ခဲ့တယ်။ အဲလိုပြောနေတုန်း HUAWEI P10 Plus ကို MODA မဂ္ဂဇင်း Cover Shoot မှာသုံးဖို့ အကြံရလို့ မထင်ထင်ကို ပြောကြည့်တော့ သူကလည်း ဒီစိတ်ကူးကို သဘောကျတယ်။ အဲဒါနဲ့ ဒီအစီအစဉ် ဖြစ်မြောက်အောင် ဘယ်သူတွေနဲ့ ဘယ်လိုပုံစံရိုက်ကြမလဲဆိုတာ လုပ်ဖော်ကိုင်ဖက်တွေနဲ့အတူတူ ဆက်ဆွေးနွေးဖြစ်ကြတာပါ။ ဒါမျိုးက အရင်ကမလုပ်ဖူးဘူးဆိုတော့ လုပ်ရတာ ပျော်ဖို့လည်းကောင်းတယ်။ ရလာတဲ့ဓာတ်ပုံတွေကို ကြည့်လိုက်ရင် HUAWEI P10 နဲ့ P10 Plus တွေဟာ အရည်အသွေးမြင့်တဲ့ ဓာတ်ပုံတွေကို ရိုက်နိုင်တယ်ဆိုတာ သိနိုင်ပါတယ်။” ဟု ပြောကြားသွားခဲ့ပါသည်။
“ဒီ စမတ်ဖုန်းနဲ့ရိုက်တဲ့ ဓာတ်ပုံတွေက ပုံထွက်ကောင်းတဲ့အတွက် သုံးတဲ့လူတွေအားလုံး ကြိုက်မယ်လို့ ထင်ပါတယ်။ MODA မဂ္ဂဇင်းနဲ့ ပူးတွဲလုပ်ခဲ့တာက ဒီဖုန်းဟာ ဓာတ်ပုံဆရာတွေ Cover Shot တွေ ဖန်တီးတဲ့နေရာမှာ သုံးလို့ရတယ်ဆိုတာကို ပြချင်လို့ပါ။ မဂ္ဂဇင်းထဲမှာပါတဲ့ ကာဗာနဲ့ ဖက်ရှင်ဓာတ်ပုံတွေကို ပရိသတ်တွေ ကြိုက်ကြမယ်ဆိုတာ သေချာပါတယ်။” ဟု မခင်ရတနာဝင်းက ဆက်လက်ပြောကြားသွားခဲ့ပါသည်။

မှန်ဘီလူးနှစ်ခုပါဝင်သည့် ၂၀ Megapixel ကင်မရာမှာ အသုံးပြုပုံ အမျိုးမျိုးပါရှိပါသည်။ ဥပမာအားဖြင့် Subject အပေါ်တွင် Focus ယူပြီး နောက်ခံကို ဝါးအောင်စွမ်းဆောင်နိုင်သည့် Bokeh Effect ကို အသုံးပြုနိုင်သလို ဓာတ်ပုံထဲတွင်ပါသည့် အရာဝတ္ထုအားလုံးကို ကြည်လင်ပြတ်သားစွာ ပေါ်လွင်စေသည့် Auto Mode ကိုလည်း အသုံးပြုနိုင်ပါသည်။

သြဂုတ်လ၏ မျက်နှာဖုံးရှင်ဖြစ်သော ရုပ်ရှင်သရုပ်ဆောင်နန်းဆုဦးကလည်း “ဒီရိုက်ကူးမှုက နန်းဆုအတွက် ပထမဆုံးတွေ အများကြီးပဲ။ မိတ်ကပ်ဆရာ၊ Stylist၊ ဓာတ်ပုံဆရာ၊ ဒီဇိုင်နာ၊ Videographer တွေအားလုံးနဲ့ ပထမဆုံးတွေ့ဖူးတာပါ။ ဒါပေမယ့် ဒါတွေအားလုံးထဲကမှ ထူးထူးခြားခြားအဖြစ်ဆုံးကတော့ နန်းဆုကြိုက်တဲ့ Phone နဲ့ ဓာတ်ပုံရိုက်ရတာပါပဲ။ နန်းဆုအတွက် စမတ်ဖုန်း တစ်လုံးနဲ့ Cover Photo ရိုက်တာ ဒါက ပထမဆုံးပါပဲ။ ပြီးတော့ နန်းဆုက ဒီဖုန်းပဲသုံးနေတာဆိုတော့ ဒီဖုန်းနဲ့ပဲနေ့တိုင်း ဓာတ်ပုံတွေရိုက်ဖြစ်တဲ့အတွက် HUAWEI P10 Plus ရဲ့ အရည်အသွေးကို ယုံကြည်ပြီးသားပါ။ ဒီဖုန်းနဲ့ ဓာတ်ပုံရိုက်တိုင်း ပုံတွေကနန်းဆုလိုချင်သလိုအမြဲတမ်းရတဲ့အတွက် စိတ်တိုင်းကျပါတယ်” ဟု ပြောခဲ့ပါသည်။

#ShweInnlay Team

Be the first to comment

Leave a Reply

Your email address will not be published.


*