အိပ်ချိန်မလုံလောက်ခြင်းက ခန္ဓာကိုယ်အလေးချိန် တက်လာစေနိုင်

အိပ်ချိန်မလုံတဲ့ သူတွေအနေနဲ့ သတိထားသင့်တဲ့ အချက်တစ်ချက်ကတော့ ခန္ဓာကိုယ် အလေးချိန် ရုတ်တရက် တိုးလာခြင်းပါပဲ။ အိပ်ရေးမဝတာက ဝိတ်တက်တာနဲ့ ဘယ်လိုဆက်စပ်မှု ရှိလဲဆိုတာကို ဆေးပညာရှင်များရဲ့ လေ့လာဆန်းစစ်ချက်တွေအရ ဖော်ပြပေးလိုက်ပါတယ်။

(၁) ဆာလောင်ခြင်း

အိပ်ရေးမဝခြင်းက ဆာလောင်မွတ်သိပ်မှုကို ပိုမိုဖြစ်ပေါ်စေပါတယ်။ အစားအစာများကို လိုတာထက် ပိုပြီး စားချင်တာ၊ တောင့်တတာမျိုး ဖြစ်နေတတ်ပါတယ်။ ဘာ့ကြောင့်လဲဆိုတော့ အိပ်ချိန် မလုံလောက်တဲ့ အခါမှာ ခန္ဓာကိုယ်တွင်းက ဟော်မုန်းမမျှတတဲ့ အတွက် ဆာလောင်မှုကို ပိုမိုဖြစ်ပေါ် စေပါတယ်။ အစားအစာကို အထိန်းအကွပ်မဲ့ စားသောက်ခြင်းက သင့်ကိုဝိတ်တက်လာစေပါတယ်။

(၂) စိတ်ဖိစီးမှုများလာခြင်း

ညဘက် နှစ်ခြိုက်စွာ အိပ်ချိန်လုံလုံလောက်လောက် မအိပ်ရတဲ့အခါ ပင်ပန်းနွမ်းနယ်လာပြီး ခန္ဓာကိုယ်တွင်းက stress hormone တွေ များစွာ ထုတ်လွှတ်ပါတော့တယ်။ စိတ်ဖိစီးမှု များခြင်း ကလည်း ခန္ဓာကိုယ်အလေးချိန် တိုးလာစေတဲ့ အဓိကအချက်တစ်ချက်ပါပဲ။ စိတ်ဖိစီးမှု များလာတာနဲ့ အမျှ ကယ်လိုရီများတဲ့ အစားအစာများကို တောင့်တတတ်ကြပြီး အလွန်အကျွံစားသုံး မိတဲ့အခါ ဝိတ်တက်လာရခြင်းပဲ ဖြစ်ပါတယ်။

(၃) အစားအစာတောင့်တခြင်း

အိပ်ရေးမဝခြင်းကြောင့် ခန္ဓာကိုယ်က ပင်ပန်းနွမ်းနယ်လာတဲ့ အတွက် အင်အားပြည့်စေဖို့ အစားအစာများကို တောင့်တလာပါတော့တယ်။ များသောအားဖြင့်တော့ အချို၊ အဆီ၊ အဆိမ့် စတဲ့ ကျန်းမာရေးနဲ့ မညီညွတ်တဲ့ အစားအစာများကို ပိုမိုတောင့်တတတ်ကြပါတယ်။ ဒါ့ကြောင့်လည်း ကိုယ်အလေးချိန် တက်လာရတာပါ။

(၄) ကယ်လိုရီမလောင်ကျွမ်းနိုင်

ညဘက်နှစ်နှစ်ခြိုက်ခြိုက် အိပ်စက်နေချိန်မှာ ခန္ဓာကိုယ်တွင်းမှာရှိတဲ့ ကယ်လိုရီများက အလိုအလျောက် လောင်ကျွမ်းစေ နိုင်တယ်လို့ ဆိုပါတယ်။ ညဘက် နိုးနိုးကြားကြား ရှိနေပြီး မအိပ်တဲ့ သူတွေကတော့ ကယ်လိုရီလောင်ကျွမ်းနိုင်ချေ လျော့နည်းသွားပြီး တဖြေးဖြေးနဲ့ ဝိတ်တက်လာရခြင်းပဲ ဖြစ်ပါတယ်။

(၅) အချိန်မတော်စားသောက်ခြင်း

အိပ်မပျော်တဲ့အခါမှာ လူအများစု ပြုလုပ်လေ့ရှိတာက အိပ်ရာကထပြီး တခုခုထစားလိုက်ကြတာပါ။ ဗိုက်ဆာလို့ အိပ်မပျော်တာလား၊ အိပ်မပျော်လို့ အစားတစ်ခုခုစားလိုက်မယ် စသဖြင့် စိတ်ကူးကိုယ်စီနဲ့ မလိုအပ်ဘဲ စားသုံးနေမိကြတာပါ။ ဒါကလည်း သင့်ကို ဝိတ်တက်လာစေတဲ့ အကြောင်းအရင်း တစ်ရပ်ပါပဲ။

နန်း(ရွှေအင်းလေး)

Be the first to comment

Leave a Reply

Your email address will not be published.


*