စုံတွဲများ လမ်းခွဲကြဖွယ်ရှိကြောင်း ညွှန်ပြသည့် အကြောင်းရင်းကို သုတေသီတို့ အံ့အားသင့်ဖွယ် ဖော်ထုတ်နိုင်ခဲ့

ချစ်သူများ၊ ဇနီးမောင်နှံစုံတွဲများ၏ နောက်ခံအခြေအနေအရပ်ရပ်မှာ အမျိုးမျိုးကွဲပြားနိုင်သော်လည်း လမ်းခွဲကြဖွယ်ရှိကြောင်း ညွှန်ပြသည့်အချက်မှာမူ တစ်ခုတည်းသာဖြစ်ကြောင်း သုတေသီတို့က ဖော်ထုတ်နိုင်ခဲ့ကြသည်။

အဆိုပါလေ့လာချက်ကို ကိုယ်ရည်ကိုယ်သွေးနှင့် လူမှုဗေဒ စိတ်ပညာ ဂျာနယ်တွင် ဖော်ပြခဲ့ခြင်းဖြစ်သည်။

သုတေသီတို့သည် လမ်းခွဲမည့်အလားလာကို ညွှန်ပြသည့် အချက် များ၊ နှစ်ပေါင်းများစွာ တည်တံ့မည့် အချစ်ရေး၊ အိမ်ထောင်ရေးများကို ၁၃ နှစ်ကြာလေ့လာခဲ့ခြင်းဖြစ်ပြီး စုံတွဲပေါင်း ၁၆၈ တွဲကို လေ့လာခဲ့ကြသည်။

ယင်းလေ့လာချက်အရ တွေ့ရှိလာခဲ့ကြသည်မှာ အချစ်ရေး၊ အိမ်ထောင်ရေး ဘဝအစတွင် တစ်ဦးအပေါ်တစ်ဦး အလွန်အကျွံ၊ သဲသဲလှုပ် ချစ်ပြကြသည့် စုံတွဲများသည် လမ်းခွဲရန် ဖြစ်နိုင်ချေအလွန်များကြောင်း တွေ့ရှိရသည်ဟု ဆိုသည်။

“အချိန်ကြာလက်တွဲခဲ့ပြီးမှ လမ်းခွဲခဲ့ကြတဲ့ စုံတွဲတွေဟာ အသက်ထက်ဆုံး ပေါင်းသင်းသွားကြတဲ့ စုံတွဲတွေထက်ပိုပြီး တစ်ဦးအပေါ်တစ်ဦး ချစ်ပြတဲ့ ပမာဏက သုံးပုံတစ်ပုံလောက် ပိုများပါတယ်” ဟု အဆိုပါလေ့လာချက်တွင် ဖော်ပြသည်။

“အချစ်ဆိုတာ မျက်စိမရှိ…ဆိုတဲ့ စကားအတိုင်း တချို့ သူတွေဟာ အရူးအမူးအချစ်ရေးမျိုးကို လိုလားကြတယ်။

ဒီနေရာမှာ သိထားရမှာ တစ်ခုက အရူးအမူးအချစ်ဆိုတာ တာရှည်ခံတဲ့ အခြေအနေမျိုး မဟုတ်ဘူးဆိုတာပါ။

ဒီလိုအခြေအနေမျိုး ပျောက်ကွယ်သွားပြီးဆိုရင် သက်ဆိုင်ရာ နှစ်ဦးအကြား ဘာကျန်ခဲ့လဲဆိုတာ ကြည့်ရပါမယ်။

ပြင်းပြတဲ့အချစ်စိတ်ကလွဲပြီး ဘာစည်းနှောင်မှုမှ မရှိဘူးဆိုရင် ဒီလို relationship မျိုးဟာ အလွယ်တကူပဲ ဆုံးခန်းတိုင်သွားမှာ ဖြစ်ပါတယ်။

ပြီးတော့ တစ်ချိန်ကျရင် လမ်းခွဲရတာမျိုးဖြစ်လာနိုင် တယ်…ဒါပေမယ့် ပြောင်းလဲများလာမလားဆိုပြီး ရှေ့ ဆက်တိုးတဲ့ အချစ်ရေးမျိုးကလည်း အန္တရာယ်များပါတယ် ” ဟု Passion Smiths.com ၏ ဒါရိုက်တာ၊ relationship ဆိုင်ရာ စိတ်ပညာရှင် မယ်ဒလင်း မေဆင် ရွန်ထရီက ပြောကြားသည်။

နယူးယောက်မြို့ အခြေစိုက် relationship ကျွမ်းကျင်ပညာရှင်၊ အရောင်းရဆုံးစာရေးဆရာတစ်ဦးဖြစ်သူ ဆူဇန် ဝင်းတားက ပြောကြားရာတွင်လည်း “ရူးရူးမူးမူးအချစ်ဆိုတာမျိုးက စတွေ့ချိန်မျိုး၊ ပျားရည်ဆမ်းကာလမျိုးမှာပဲ တွေ့ရနိုင်တဲ့ဟာမျိုးပါ။

ဒါမျိုးအချိန်ကလည်း ၃ လကနေ ၉ လကြားပဲ ကြာမြင့်ပါတယ်။

ဒီနောက်ပိုင်း လက်တွေ့ဘဝနဲ့ ဘဝရဲ့ စိန်ခေါ်မှုတွေဟာ အလျင်အမြန် ရောက်လာပါတယ်။

အဲဒီနောက်မှာ ကိုယ့်လက်တွဲဖော်ရဲ့  အစစ်အမှန် ပုံရိပ်ကို တွေ့လာရမှာဖြစ်ပြီး စိတ်ကူးအိပ်မက်ထဲက လက်ထပ်ခဲ့သူဟာ ပျောက်ကွယ်သွားပြီဖြစ်တာကြောင့် မကျေနပ်မှုတွေ ပေါ်လာပါတော့တယ်” ဟု ပြောကြားသည်။

Cherie (shweinnlay)

 

Be the first to comment

Leave a Reply

Your email address will not be published.


*