စစ်တမ်းများအရ မင်္ဂလာဆောင်စရိတ်များစွာသုံးသည့်စုံတွဲများ ကွာရှင်းရန်အလားအလာမြင့်မား

ချစ်သူများအနေဖြင့် မိမိတို့မြတ်နိုးရသူတို့နှင့် ထိမ်းမြားမင်္ဂလာဆောင်ရေးတွင် ကုန်ကျစရိတ်အတွက် သောကရောက်နေသူများ များစွာရှိနေသည်။

သို့ရာတွင် သတင်းကောင်းတစ်ခုမှာ မင်္ဂလာဆောင်ကုန်ကျစရိတ်နည်းပါးသည့် စုံတွဲများ၏ အိမ်ထောင်ရေးမှာ တာရှည်ခံလေ့ရှိသည်ကို သုတေသနစစ်တမ်းတစ်ရပ်အရ တွေ့ရှိရခြင်း ဖြစ်သည်။

လက်ဝတ်ရတနာကုမ္ပဏီများ၊ မင်္ဂလာဆောင်အကြိုဓာတ်ပုံရိုက်ကူးခြင်းများ အစရှိသည့် ထိမ်းမြားမင်္ဂလာဆိုင်ရာ လုပ်ငန်းများစွာက မင်္ဂလာဆောင်များကို ထည်ဝါခမ်းနားစွာ ပြုလုပ်သင့်ကြောင်း အတွေးအခေါ်များ ဖော်ထုတ်နေသော်လည်း ယခုအခါ သုတေသီတို့ကမူ ကုန်ကျစရိတ်နည်းပါးခြင်းက အိမ်ထောင်သက်ကို ကြာရှည်စေသည်ဟု ဖြစ်၏။

ယခုသုတေသနပြုချက်ကို စီးပွားရေးပါမောက္ခများဖြစ်သော National University of Singapore (NUS) မှ အင်ဒရူး ဖရန့်စစ် တန်နှင့် Emory University ၏ စီးပွားရေးပညာဌာနမှ ပါမောက္ခ ဟူဂို အမ် မီယာလွန်တို့က ပြုလုပ်ခဲ့ခြင်းဖြစ်ပြီး လက်ထပ်ပြီးသည့် စုံတွဲပေါင်း ၃၀၀၀ ကို လေ့လာခဲ့ကြခြင်းဖြစ်သည်။

(သုတေသနပြုလုပ်ခဲ့သူ ပါမောက္ခ အင်ဒရူး ဖရန့်စစ်)

ယင်းသို့လေ့လာရာတွင် မင်္ဂလာဆောင်နှင့် မင်္ဂလာဦးကာလ၌ ကုန်ကျစရိတ်အလွန်များပြားခဲ့သည့် စုံတွဲများမှာ ကွာရှင်းပြတ်စဲမှု များပြားကြသည်ကို တွေ့ရှိခဲ့ကြသည်။

အဆိုပါလေ့လာချက်အရ စေ့စပ်လက်စွပ်တွင် ကုန်ကျစရိတ်များပြားခဲ့သည့် စုံတွဲများသည် ကွာရှင်းပြတ်စဲနိုင်ချေ မြင့်မားသည်ကို တွေ့ခဲ့ကြ၏။

အထူးသဖြင့် စေ့စပ်လက်စွပ်အတွက် ဒေါ်လာ ၂၀၀၀ ထက်ပိုမိုသုံးစွဲကြသူများဖြစ်သည်ဟု ဆိုသည်။

သုတေသနစာတမ်းတွင် ဖော်ပြချက်အရ “စေ့စပ်လက်စွပ်အတွက် ဒေါ်လာ ၂၀၀၀ မှ ၄၀၀၀ အကြားသုံးစွဲသည့် စုံတွဲများသည် ဒေါ်လာ ၅၀၀ မှ ၂၀၀၀ အကြားသုံးစွဲသည့်စုံတွဲများနှင့် နှိုင်းယှဉ်လျှင် ကွာရှင်းပြတ်စဲမှုများပြားသည်ကို တွေ့ရသည်” ဟု ဖော်ပြထားသည်။

ထို့အပြင် မင်္ဂဆောင်အခမ်းအနားအတွက် ဒေါ်လာ ၁၀၀၀ အောက်သုံးစွဲသည့် စုံတွဲများသည် ကွာရှင်းပြတ်စဲနိုင်ချေ နည်းပါးကြောင်း၊ မင်္ဂလာဆောင်စရိတ် ဒေါ်လာ ၂၀၀၀၀ အထက်ကုန်ကျသည့် စုံတွဲများမှာ ကွာရှင်းပြတ်စဲမှုနှုန်း မြင့်မားကြောင်းလည်း ဖော်ပြသည်။

သို့ရာတွင် ကံကောင်းသည့်အချက်တစ်ခုမှာ စေ့စပ်လက်စွပ်နှင့် မင်္ဂလာဆောင်စရိတ်တွင် အကုန်အကျများခဲ့သော်လည်း ပျားရည်ဆမ်းကာလတွင် အကုန်အကျနည်းပါးပါက ကွာရှင်းပြတ်စဲနိုင်ချေ နည်းပါးသည်ကိုလည်း တွေ့ရသည်ဟု ဆိုသည်။

Cherie (shweinnlay)

Be the first to comment

Leave a Reply

Your email address will not be published.


*