လူသေဆုံးခြင်း တားမြစ်သည့် ဥပဒေ ထုတ်ပြန်ခဲ့သည့် ကမ္ဘာ့ဒေသများ

အာတိတ်ဒေသရှိ နိုင်ငံတစ်ငံဖြစ်သော နော်ဝေနိုင်ငံ၏ မြို့တစ်မြို့တွင် လူသေဆုံးခြင်း၊ မြေမြှုပ်ခြင်းများကို တင်းကျပ်စွာ တားမြစ်ထားသည်။

ရှေးအခါက ဂရိတွင်လည်း ဟစ်ပိုကရေးတီးစ်၏ သားတော် ပိုင်စစ်ထရပ်တပ်စ်က အထွတ်အမြတ်ထားရာ ဒီလော့စ်ကျွန်းရှိ လူသေအလောင်းများအားလုံးကို ပြန်လည်တူးဖော်ရန် အမိန့်ထုတ်ခဲ့ဖူးသည်။

ယင်းနောက်အဆိုပါကျွန်းပေါ်တွင် လူသေဆုံးခြင်း၊ ကလေးမွေးဖွားခြင်းများကို ခွင့်မပြုခဲ့ချေ။

ဂျပန်နိုင်ငံရှိ အိဆုကူးရှီးမားကျွန်းသည် ဂျပန်လူမျိုးတို့ အထွတ်အမြတ်ထားရာကျွန်းတစ်ကျွန်းဖြစ်၏။

အိဆုကူးရှီးမားကျွန်း

ထို့ကြောင့် မြေအောက်တွင် လူသေအလောင်းများ ပုပ်ကာ မြင့်မြတ်သောကျွန်း၏ သန့်စင်မှုကို မထိခိုက်စေရန်ဟုဆိုကာ သက်ကြီးရွယ်အိုများ၊ အပြင်းအထန်နာမကျန်းဖြစ်နေသူများကို ကျွန်းပေါ်တွင် နေခွင့်မပေးတော့ဘဲ ဂျပန်ပြည်မကြီးသို့ ပို့ဆောင်ပေးရသည်ဟု ဆိုသည်။

အိဆုကူးရှီးမားကျွန်း

ယခုအခါ မြောက်ဝင်ရိုးစွန်းနှင့် နီးကပ်စွာတည်ရှိသော နော်ဝေနိုင်ငံ၏ မြို့ကလေးတွင်လည်း လာရောက်လည်ပတ်သူတို့၏ ဈာပနများကို ဒေသတွင်းသင်္ချိုင်းက လက်မခံဘဲပိတ်ပင်ထားသည်ဟု ဆိုသည်။

“ခင်ဗျားဟာ အဲဒီမြို့မှာနေရင်း ကျန်းမာရေးတော်တော်ညံ့လာပြီဆိုရင် သေဆုံးခွင့်မပေးဘဲ တခြားနေရာကို ပို့ဆောင်ပေးခြင်းခံရမှာ ဖြစ်ပါတယ်”ဟု ထရွန်ဟိမ်းရှိ နော်ဝေသိပ္ပံနှင့်နည်းပညာတက္ကသိုလ်မှ တွဲဖက်ပါမောက္ခ ဂျန် ခရစ္စတီယန် မေယာက ရှင်းပြသည်။

လောင်းရီးဗြန်ဟု အမည်ရပြီး နော်ဝေ၏ မြောက်ဘက်အစွန်းဆုံးတွင် တည်ရှိသော မြို့ကလေးတွင် လူဦးရေ ၂၀၀၀ ခန့်သာနေထိုင်ကြသည်။

နော်ဝေရှိ လောင်းရီးဗြန်မြို့ကလေးတွင် သေဆုံးခြင်းခွင့်မပြု

အာတိတ်ဒေသမြို့ကလေးဖြစ်သောကြောင့် ညသန်းခေါင်ခန့်အချိန်တွင် ထူးဆန်းသော အလင်းရောင်တန်းကြီးကို မြို့ကလေး၏ ကောင်းကင်တွင် တွေ့နိုင်ပြီး Northern Lights ဟုလည်း သိပ္ပံပညာရှင်တို့ကခေါ်ကြသည်။

ညအချိန် ဆန်းကြယ်သောအလင်းတန်းများ တွေ့မြင်ရ

မြို့ကလေးမှာ ရေခဲလုတမျှ အေးစက်လှသောကြောင့် အရာရာတိုင်းအေးခဲနေလေ့ရှိကာ နေထိုင်ကြသူများအတွက် နှစ်သက်ဖွယ်ကောင်းလွန်းသောနေရာတစ်ခုကား မဟုတ်ချေ။

အမြဲတမ်းအေးခဲနေသောကြောင့် မြေအောက်တွင် မြှုပ်နှံထားသော အလောင်းများသည် ကာလအတန်ကြာသည့်တိုင်အောင် မပုပ်ဘဲ အကောင်းပကတိရှိနေသည်ကို ၁၉၅၀ ပြည့်လွန်ကာလများအတွင်း တွေ့ခဲ့ကြသည်။

အမြဲအေးခဲနေသော လောင်းရီဗြန် မြို့ကလေး

ကမ္ဘာ့လူဦးရေ ၅ ရာခိုင်နှုန်းခန့် သေဆုံးစေခဲ့သော စပိန်တုပ်ကွေးကြီးသည် ပထမကမ္ဘာစစ်ကြီးအပြီး ဖြစ်ပွားခဲ့ရာ လောင်းရီးဗြန်မြို့ကလေးတွင်လည်း ကူးစက်ခဲ့သည်။

လောင်းရီဗြန်၏ နွေရာသီ

အဆိုပါရောဂါဖြင့် မြို့ကလေးတွင် သေဆုံးခဲ့သူ အနည်းဆုံး ၁၀ ဦးကျော်ရှိခဲ့သည်။

သေဆုံးသူတို့၏ အလောင်းများကို မြို့ကလေးရှိ သင်္ချိုင်းတွင် ၁၉၁၈ ခုနှစ်မှ ၁၉၂၀ ပြည့်နှစ်အကြား မြှုပ်နှံခဲ့သည်။

လောင်းရီဗြန်မြို့တစ်နေရာ

“မြေပြင်က အမြဲအေးခဲနေတာကြောင့် အလောင်းတွေဟာ သဘာဝအတိုင်း ပုပ်ဆွေးတာတွေ မဖြစ်တော့ဘဲ အကောင်းပကတိရှိနေကြတယ်။ တချို့အလောင်းတွေဟာ မြေပေါ်ကို ပြန်ပေါ်လာတာမျိုးတွေ တွေ့ရတယ်။ ဒီအလောင်းတွေမှာ ပါသွားတဲ့ တုပ်ကွေးရောဂါပိုးဟာလည်း အအေးကြောင့် မသေဆုံးဘဲ ပြန့်ပွားနေရာကနေ ဒေသခံတွေကိုပါ ပြန်လည်ကူးစက် လာကြတယ်။” ဟု ခရစ္စတီယန် မေယာက ပြောကြားသည်။

လောင်းရီဗြန်၏ ဆောင်းတွင်း

ထို့ကြောင့် ရောဂါပိုး ပြန့်ပွားခြင်းမှ တားဆီးရန် ရည်ရွယ်ကာ မြို့ကလေးတွင် သေဆုံးခြင်းများကို တားမြစ်ပိတ်ပင်လိုက်ခြင်း ဖြစ်သည်ဟု ဆိုသည်။

မြို့ကလေးရှိ သင်္ချိုင်းကိုလည်း ပိတ်ပင်လိုက်ပြီး အလောင်းများမြှုပ်နှံခွင့်မပေးတော့ကြောင်း အစိုးရက ဥပဒေတစ်ရပ် ထုတ်ပြန်ကာ တားမြစ်ခဲ့သည်။

အဆိုပါဥပဒေအရ ကမ္ဘာပေါ်ရှိ မည်သူမဆို လောင်းရီးဗြန်မြို့ကလေးသို့ အသက်ရှင်လျက်နှင့် နေထိုင်ခြင်း၊ လည်ပတ်ခြင်းများ ပြုလုပ်နိုင်သော်လည်း သေဆုံးခွင့် မရှိချေ။

ထိုကာလမှစတင်ပြီး မြို့ကလေးတည်ရှိရာ ကျွန်းပေါ်တွင် သေအံ့မူးမူးဖြစ်နေသူများကို ဆက်လက်နေထိုင်ခွင့်မပေးတော့ဘဲ နော်ဝေ၏ ပြည်မကြီးရှိရာသို့ သယ်ယူစေခြင်းများ ပြုလုပ်ခဲ့သည်။

အကယ်၍ အမှတ်မထင်သေဆုံးခြင်းများ ဖြစ်ပေါ်ခဲ့ပါကလည်း ကျွန်းပေါ်တွင် မြှုပ်နှံခွင့်ရရှိမည်မဟုတ်ချေ။

မြို့ကလေး၏ ရာသီဥတုအခြေအနေမှာ ဆောင်းတွင်းကာလများတွင် ပိုမိုဆိုးရွားလေ့ရှိပြီး အပူချိန်မှာ 1.4 ဒီဂရီ ဖာရင်ဟိုက် (-17 ဒီဂရီ စင်တီဂရိတ်) သာရှိသည်။

ဝင်ရိုးစွန်းဒေသတွင် ကျက်စားသော ဝက်ဝံများသည် ရာသီဥတုဆိုးရွားချိန်များတွင် လူနေအိမ်များသို့ ဝင်ရောက်လာလေ့ရှိကြပြီး ဆာလောင်နေလျှင် များစွာရန်လိုတတ်ကြသည်။

အီတလီရှိ တောင်ပေါ်မြို့ကလေးဖြစ်သော ကာလာဘရိုင်ယာတွင်လည်း ၂၀၁၅ ခုနှစ်မှ စတင်ပြီး ဒေသတွင်း အမိန့်တစ်ရပ် ထုတ်ပြန်ထားရာ ဖျားနာခြင်း၊ သေဆုံးခြင်းများကို တားမြစ်ထားသည်။

ကာလာဘရိုင်ယာ

မြို့တော်ဝန် ဒေးဗစ်ဒီ ဇီချီနယ်လာက မြို့သူမြို့သားများအနေဖြင့် မိမိတို့၏ ကျန်းမာရေးကို ဂရုစိုက်ကြရန်၊ ပုံမှန်ကျန်းမာရေး ဆေးစစ်ခြင်းများ ပြုလုပ်ရန် အမိန့်ထုတ်ပြန်ခဲ့ပြီး လိုက်နာမှုမရှိသူများကို ဒဏ်ငွေချမှတ်ခြင်းများ ပြုလုပ်ခဲ့သည်။

ကာလာဘရိုင်ယာ

မြို့တော်ဝန်၏ အဓိကရည်ရွယ်ချက်မှာ မြို့ကလေးတွင် လူဦးရေကျဆင်းခြင်းများ ဖြစ်ပေါ်နေခြင်းကို ကာကွယ်ရန်ဖြစ်သည်ဟု ဆိုသည်။

ပြင်သစ်နိုင်ငံရှိ အချို့သောမြို့ငယ်များတွင် သင်္ချိုင်းနေရာများ ကျဉ်းမြောင်းနေခြင်းကြောင့် သေဆုံးသူများ ဆက်လက်မြှုပ်နှံရန် အခက်အခဲများ ပေါ်ပေါက်နေသည်။

ထို့ကြောင့် သင်္ချိုင်းသစ်များ ဆောက်လုပ်ရေးအတွက် အစိုးရထံမှ အကူအညီတောင်းခံမှုများ ပြုလုပ်ခဲ့သော်လည်း အထောက်အကူ မရရှိခဲ့ချေ။

ထို့ကြောင့် အဆိုပါမြို့အချို့တွင် သေဆုံးခြင်းများကို တားမြစ်သည့်ဥပဒေများ ထုတ်ပြန်ခဲ့ကြရသည်။

Yellow Champac (shweinnlay)

Be the first to comment

Leave a Reply

Your email address will not be published.


*