လကမ္ဘာ၏ လူသူမရောက်သေးသောအခြမ်းသို့တရုတ်လဆင်းယာဉ်အောင်မြင်စွာဆင်းသက်

တရုတ်လဆင်းယာဉ်တစ်စင်းသည် လကမ္ဘာ၏ မှောင်မ်ိုက်သော မျက်နှာပြင်ဘက်အခြမ်းသို့ အောင်မြင်စွာဆင်းသက်ခဲ့ခြင်းဖြင့် အာကာသ စူးစမ်းလေ့လာရေးနယ်ပယ်တွင် အရေးပါသော သမိုင်းမှတ်တိုင်သစ် စိုက်ထူနိုင်ခဲ့သည်။

China far side of the Moon space landing
တရုတ်အာကာသအေဂျင်စီက ထုတ်လွှင့်သော ဓာတ်ပုံ

ချန်ဂီ ၄ ဟု အမည်ပေးထားသော စက်ရုပ်ယာဉ်ကို တရုတ်အမျိုးသား အာကာသကွပ်ကဲရေးဌာနက ဒီဇိုင်းရေးဆွဲခဲ့ခြင်းဖြစ်သည်။

Chinese space probe Chang'e 4
ရှီချန်း အာကာသယာဉ်လွှတ်တင်ရေးစခန်းမှ ချန်ဂီ ၄ ကိုလွှတ်တင်ခဲ့ပုံ

အဆိုပါယာဉ်ကို ဒီဇင်ဘာလ ၈ ရက်က အာကာသသို့လွှတ်တင်ခဲ့ခြင်းဖြစ်ပြီး ယခုအခါ ၎င်း၏ခရီးစဉ် အောင်မြင်ပြီးစီးသွားပြီဖြစ်ကြောင်း တရုတ်မီဒီယာတို့တွင် ဖော်ပြသည်။

China Moon landing
ယခုခြေလှမ်းမှာ တရုတ်ပြည်အတွက် ကြီးမားသည့်သမိုင်းမှတ်တိုင်တစ်ခုဖြစ်

ချန်ဂီ ၄ သည် ဗြိတိန်စံတော်ချိန် နံနက် ၂ နာရီ ၂၆ မိနစ်အချိန်တွင် လကမ္ဘာ၏ မှောင်မိုက်သော မျက်နှာပြင်အခြမ်းသို့ ဆင်းသက်ခဲ့ပြီး ဓာတ်ပုံများကို စတင်ထုတ်လွှင့်ခဲ့သည်။

ချန်ဂီ ၄ သည် လကမ္ဘာ၏ တောင်ဝင်ရိုးစွန်း အစ်ကန်ချိုင့်ဝှမ်းတွင် ဆင်းသက်ခဲ့ခြင်းဖြစ်ပြီး အဆိုပါနေရာသည် လကမ္ဘာတွင် အကြီးမားဆုံးနှင့် အနက်ရှိုင်းဆုံးချိုင့်ကြီးဖြစ်ကာ လူသူပေါက်ရောက်ဖူးသေးခြင်းမရှိသော နေရာဖြစ်သည်ဟု ဆိုသည်။

ယခင်လဆင်းယာဉ် ချန်ဂီ ၃ က လကမ္ဘာ၏ မာရီ အင်မ်ဘရီယမ်အမည်ရှိ အစိတ်အပိုင်းနေရာသို့ ၂၀၁၃ ခုနှစ်တွင် ဆင်းသက်ခဲ့ပြီး ၆ နှစ်နီးပါးအကြာတွင် ယခုနောက်ဆုံးခရီးစဉ်ပေါ်ပေါက်လာခြင်း ဖြစ်သည်။

ကျွန်ုပ်တို့၏ ကမ္ဘာမြေမှကြည့်ရှုလျှင် လ၏ မျက်နှာပြင်တစ်ဘက်တည်းကိုသာ အမြဲရှုမြင်ရသည်။

လသည် ကမ္ဘာမြေကို လည့်ပတ်နေစဉ်အတွင်းမှာပင် ၎င်း၏ ကိုယ်ပိုင်ဝင်ရိုးကို အခြေခံကာ လည်ပတ်နေခြင်းဖြစ်သည်။

တရုတ်တို့၏ ယခင်အာကာသယာဉ်က လ၏ ဝေးကွာသောအခြမ်းဘက်ကို တွေ့မြင်ခဲ့သော်လည်း လဆင်းယာဉ်ဖြင့် ဆင်းသက်ခဲ့ခြင်း မရှိချေ။

လကမ္ဘာ၏ ဝေးကွာသောအခြမ်းမှ ဖုံးကွယ်ထားသည့်လျှို့ဝှက်ချက်များကို လှစ်ဟပြသလိုက်ခြင်းဖြစ်ကာ လူသားတို့၏ လကမ္ဘာပေါ် ခြေချမှုသမိုင်းတွင် စာမျက်နှာသစ်ဖွင့်လှစ်လိုက်ခြင်းဖြစ်ကြောင်း တရုတ်သတင်းမီဒီယာတို့တွင် ဖော်ပြသည်။

Yellow Champac (shweinnlay)

Be the first to comment

Leave a Reply

Your email address will not be published.


*