လမ်းလျှောက်နေသူတစ်ဦးအပေါ် ရဟတ်ယာဉ်ပျက်ကျသောအခါ

ဘရာဇီးနိုင်ငံ၊ ဆောပေါ်လိုမြို့ ပင်လယ်ကမ်းခြေဒေသတွင် ကမ္ဘာလှည့်ခရီးသည် ဇနီးမောင်နှံကို တင်ဆောင်လာသည့် ရဟတ်ယာဉ်သည် လမ်းလျှောက်နေသူတစ်ဦးအပေါ်သို့ ပျက်ကျခဲ့မှု ဖြစ်ပွားခဲ့သည်။

ဆောပေါ်လိုမြို့ရှိ ပင်လယ်ကမ်းခြေဒေသ ယူဘာတူဘာအရပ်တွင် ကမ္ဘာလှည့်ခရီးသည် ဇနီးမောင်နှံကို တင်ဆောင်ပြီး ရှုမျှော်ခင်းကြည့် ခရီးစဉ်ထွက်ခွာစဉ် လမ်းသွားတစ်ဦးပေါ်သို့ ပျက်ကျခဲ့ခြင်းဖြစ်သည်။

Robinson R44 Raven II ရဟတ်ယာဉ်အတွင်းမှ ရုပ်သံမှတ်တမ်းများအရ ခရီးစဉ်ထွက်ခွာပြီး ချက်ချင်းဆိုသလိုပင် မြေပြင်သို့ ပြန်လည် ကျဆင်းခဲ့ခြင်းဖြစ်သည်ကို တွေ့ရသည်။

လေယာဉ်မှူးမှာ ထိန်းသိမ်းနိုင်စွမ်းမရှိတော့ဘဲ လမ်းလျှောက်နေသူ အသက် ၄၂ နှစ်အရွယ်ရှိ အလက်ဇန်ဒရို ကော်ရိုင်ယာ လိုင်တီကို တိုက်မိ ပျက်ကျခဲ့ရာ ကော်ရိုင်ယာ လိုင်တီမှာ အခင်းဖြစ်နေရာတွင်ပင် သေဆုံးသွားခဲ့ရသည်။

သေဆုံးသူ အလက်ဇန်ဒရို

အခင်းဖြစ်နေရာတွင် ရိုက်ကူးထားသော ဗွီဒီယိုမှတ်တမ်းများအရ ရဟတ်ယာဉ်မှာ ရပ်ကွက်အတွင်းရှိ လမ်းပေါ်သို့ကျရောက်ပျက်စီး နေပုံကို တွေ့ရပြီး ဆေးဝါးအဖွဲ့မှာ အလက်ဇန်ဒရို၏ အသက်ကို ကယ်တင်ရန် ကြိုးပမ်းနေကြပုံ တွေ့ရသည်။

ရဟတ်ယာဉ်၏တန်ဖိုးမှာ ကန်ဒေါ်လာ နှစ်သိန်းခွဲဝန်းကျင်ခန့်ရှိ

ဒေသတွင်း သတင်းမီဒီယာတို့၏ ဖော်ပြချက်အရ လေယာဉ်မှူးနှင့် ကမ္ဘာလှည့်ခရီးသည်ဇနီးမောင်နှံမှာ ထိခိုက်ဒဏ်ရာ အနည်းငယ်သာ ရရှိခဲ့သည်ဟု ဆိုသည်။


Robinson R44 Raven II ရဟတ်ယာဉ်တစ်စင်း

ကမ္ဘာလှည့်ခရီးသည် ဇနီးမောင်နှံကို အနီးရှိ ဆန်တာကာဆာဆေးရုံသို့ ပို့ဆောင်ပေးခဲ့ပြီး လေယာဉ်မှူးမှာမူ ဆေးဝါးကုသမှုခံယူရန် လိုအပ်ခြင်းမရှိဟု သိရသည်။

လက်ရှိတွင် ရဟတ်ယာဉ်ပျက်ကျရခြင်း၏ အကြောင်းရင်းကို စုံစမ်းမှုများ ပြုလုပ်လျက်ရှိသည်။

ရဲတပ်ဖွဲ့ ပြောရေးဆိုခွင့်ရပုဂ္ဂိုလ် ဘရူနို အာရာဂါအိုက ပြောကြားရာတွင် “ခရီးသည်အမျိုးသမီးပြောတာကတော့ ရဟတ်ယာဉ်ထွက်ပြီး တစ်မိနစ်လောက်အတွင်း စပြီးပျက်ကျလာတာဖြစ်တယ်လို့ ပြောပါတယ်”ဟု ပြောပြသည်။

ရဟတ်ယာဉ်ခရီးစဉ်များ ပြုလုပ်ပေးသည့် ကုမ္ပဏီ Helicon က ထုတ်ပြန်ရာတွင် သေဆုံးသွားသူ အလက်ဇန်ဒရို၏ မိသားစုကို ကူညီထောက်ပံ့မှုများ ပေးအပ်သွားမည်ဖြစ်ကြောင်း ထုတ်ပြန်ထားသည်။

သေဆုံးသူ၏ဖခင် အန်တိုနီယို ကော်ရီယာ လိုင်တီ နီတိုက သားဖြစ်သူမသေဆုံးမီ အချိန်အနည်းငယ်အလိုတွင် မိမိနှင့်အတူ ရှိနေခဲ့ကြောင်း ပြောကြားသည်။

“သူနဲ့အတူ ကော်ဖီတောင်သောက်ခဲ့သေးတယ်။ ပြီးတော့ သားက အပြင်ထွက်သွားပြီး ကျွန်တော်က အခန်းထဲပြန်ဝင်ပြီး လှဲနေခဲ့တယ်”

“မကြာခင်မှာပဲ ရဟတ်ယာဉ်အသံကိုကြားရတယ်။ ပထမတော့ သမားရိုးကျအသံပါ။ အသံကြားပြီးချက်ချင်းပဲ မတူညီတဲ့အသံတစ်မျိုး ထပ်ကြားရတယ်။ ထွက်ကြည့်တော့ မြေပေါ်မှာ လူတစ်ယောက်လဲနေတာတွေ့လို့ ကျွန်တော့်ရဲ့တခြားသားတစ်ယောက်ကို မီးသတ်ဌာန ဖုန်းဆက်ဖို့ လှမ်းအော်ပြောခဲ့သေးတယ်။ အခင်းဖြစ်တဲ့နေရာကို အနီးကပ်သွားကြည့်တော့မှ ကျွန်တော့်သားဖြစ်နေတာကို တွေ့ခဲ့ရတယ်” ဟု သေဆုံးသူ၏ ဖခင်က ဆက်လက်ပြောကြားသည်။

Yellow Champac (shweinnlay)

Be the first to comment

Leave a Reply

Your email address will not be published.


*