Latest post

မြန်မာနိုင်ငံ၏ အကြီးဆုံး PUBG Mobile ပြိုင်ပွဲ နောက်ဆုံးပွဲစဉ်များကို အောင်မြင်စွာကျင်းပ

 မြန်မာနိုင်ငံ၏အကြီးဆုံး PUBG Mobile ပြိုင်ပွဲ”Galaxy Challenge” ၏ နောက်ဆုံးအဆင့်ပွဲစဉ်များအား ဇူလိုင်လ ၂၀ ရက်နေ့ နှင့် ၂၁ ရက်နေ့တွင် ရန်ကုန်မြို့ရှိ မြန်မာပလာဇာ၌ အောင်မြင်စွာကျင်းပခဲ့ကြောင်း Claw Esports မှ သတင်းထုတ်ပြန်ကြေညာလိုက်သည်။ Claw Esports သည် ပြိုင်ပွဲဝင်အသင်းများ၊ Live Stream များနှင့်ပြိုင်ပွဲများပြုလုပ်နေသည့် မြန်မာနိုင်ငံ၏ ထိပ်တန်း Esports အဖွဲ့အစည်းတစ်ခုဖြစ်ပြီး ယခုပြိုင်ပွဲကြီးအား Samsung Myanmar၊ Mytel တို့နှင့်ပူးပေါင်း၍ စီစဉ်ကျင်းပခဲ့ခြင်းဖြစ်သည်။ အဆိုပါပြိုင်ပွဲသည်  Tencent နှင့် PUBG Corporation  တို့မှ တည်ထောင်ထားသည့် PUBG Mobile မှလည်း တရားဝင် အသိအမှတ်ပြုထောက်ခံချက်ရရှိထားသည်။

ပြိုင်ပွဲကြီးကို Samsung Myanmar မှ Title Sponsor အဖြစ် ပံ့ပိုးကူညီထားပြီး Mytel မှ Telecom Partner အဖြစ်ပံ့ပိုးထားသည့်အပြင် MyMedia နှင့် Gaming Noodle တို့မှလည်း မီဒီယာမိတ်ဖက်များအဖြစ် ပူးပေါင်းပါဝင်ထားသည်။ ယခုနှစ် မေလတွင် စတင်ခဲ့သော ယခုပြိုင်ပွဲကြီးတွင် အသင်း (၅၀၀) ၀င်ရောက်ယှဉ်ပြိုင်ခဲ့ပြီး အွန်လိုင်းပွဲစဉ် အဆင့် (၂) ဆင့် ကစားကာ နောက်ဆုံးအဆင့်ပြိုင်ပွဲကြီးတွင် လက်ရွေးစင် (၂၀) သာ ယှဉ်ပြိုင်ကစားသွားမည်ဖြစ်သည်။ ပြိုင်ပွဲ၏ စည်းမျဉ်းစည်းကမ်းများကို PUBG Mobile ၏ မူရင်းကုမ္ပဏီဖြစ်သော Tencent Games မှ ချမှတ်ထားသည့်အတိုင်း ရေးဆွဲထားခြင်းဖြစ်သည်။ အွန်လိုင်းအဆင့်တွင် ကစားသမားပေါင်း (၂,၀၀၀) ကျော်ပါဝင်ကစားခဲ့ပြီး ယခုနှစ် တတိယသုံးလပတ်အတွင်း မြန်မာနိုင်ငံတွင် ကစားသမားအများဆုံး ပါဝင်သော ပြိုင်ပွဲဖြစ်ခဲ့သည်။

“ဒီနေ့ခေတ်မှာ လူငယ်တွေအနေနဲ့ ဂိမ်းဆော့တာကို အသက်မွေးဝမ်းကြောင်းလုပ်ငန်းအဖြစ် လုပ်လာကြတာကို မြင်ရတဲ့အတွက် စိတ်လှုပ်ရှားဝမ်းသာမိပါတယ်။ ဒီပြိုင်ပွဲက မြန်မာနိုင်ငံဂိမ်းလောကရဲ့ တိုးတက်မှု ပြယုဂ်တစ်ခုလို့လည်း ပြောလို့ရပါတယ်။ ကျွန်တော်တို့ Samsung Myanmar အနေနဲ့လည်း ဒီပြိုင်ပွဲကတဆင့် ကစားသမားတွေ၊ တိုက်ရိုက်ထုတ်လွှင့်သူတွေနဲ့ မီဒီယာတွေကို ပံ့ပိုးကူညီပေးခွင့်ရပြီး မြန်မာနိုင်ငံရဲ့ ဂိမ်းလောကကို တစ်ဖက်တစ်လမ်းက မြှင့်တင်ပေးရာလည်းရောက်တဲ့အတွက် ဝမ်းမြောက်မိပါတယ်။” ဟု Samsung Myanmar ၏ Head of IT and Mobile Group ဖြစ်သူ ကိုဇာနည်ဝင်းထက်မှ ပြောကြားပါသည်။ “ပြိုင်ပွဲအပြီးမှာ အကောင်းဆုံးကစားသမား (၅) ဦးကို ရွေးချယ်ပြီး မြန်မာနိုင်ငံရဲ့ဂိမ်းလောကမှာ သူတို့ရဲ့စွမ်းရည်တွေကို မြှင့်တင်ပေးဖို့ Team Galaxy ဆိုပြီး အသင်းတစ်သင်း ဖွဲ့သွားဖို့လည်းရှိပါတယ်။ အခုပြိုင်ပွဲကြီးအပြီး တစ်လအကြာမှာ ဒီအသင်းမှာ ပါဝင်မယ့် အသင်းသားတွေရဲ့ နာမည်တွေကို အသိပေးထုတ်ပြန်သွားမှာပါ။” ဟု ကိုဇာနည်ဝင်းထက်က ဖြည့်စွက်ပြောကြားသည်။

Samsung Myanmar မှ Team Galaxy ဟု အမည်ရသော Mobile Esports အသင်းတစ်သင်း ဖွဲ့သွားရန်ရှိပြီး အစောပိုင်းကာလတွင် PUBG Mobile Players များအဖြစ် လေ့ကျင့်ပေးသွားမည်ဖြစ်သည်။ ထိုအသင်းမှ ကစားသမားများ ရေရှည်တွင် အောင်မြင်မှုရရှိစေရန် လစဉ်ထောက်ပံ့ကြေး၊ အင်တာနက်အသုံးစရိတ်၊ လေ့ကျင့်ရေးနေရာနှင့် အခြားလိုအပ်ချက်များကိုလည်း Samsung Myanmar မှ ပံ့ပိုးသွားမည်ဖြစ်သည်။

“ကျွန်တော်တို့မြန်မာနိုင်ငံက Esports လောကမှာ အိမ်နီးချင်းနိုင်ငံတွေနဲ့ ယှဉ်ရင် အများကြီး နောက်ကျနေသေးတယ်ဆိုပေမယ့် အခုပြိုင်ပွဲကြီးကနေ ဒီလိုထိပ်တန်းအသင်းတွေ အများကြီး ထွက်ပေါ်လာတာကို မြင်ရတာ စိတ်ဝင်စားစရာပါပဲ။ ဒီပြိုင်ပွဲကနေ ကမ္ဘာ့အဆင့်ထိ သွားနိုင်တဲ့ ကျွမ်းကျင်ကစားသမားတွေနဲ့ အသင်းတွေ ထွက်ပေါ်လာလိမ့်မယ်လို့ ယုံကြည်ပါတယ်။”ဟု Claw Esports ၏ Business Director ကိုမင်းဆက်ပိုင်မှ ပြောကြားခဲ့သည်။

Claw Esports အနေနှင့် Mytel နှင့် ပူးပေါင်း၍ အသင်းတိုင်းမှ ပြိုင်ပွဲဝင်ကစားသမားပေါင်း ၂,၅၀၀ အတွက်  ၆လကြာ အသုံးပြုနိုင်သော 1GB အင်တာနက် ဒေတာ နှင့်  MyTel ဖုန်းအချင်းအချင်း ခေါ်ဆိုနိုင် သော မိနစ် ၁၀၀ လက်ဆောင်ပါဝင်သည့် SIM ကဒ် ၄ ကဒ်စီအားပြိုင်ပွဲတစ်လျှောက်လုံးတွင်အသုံးပြုနိုင်ရန် ပေးအပ်သွားမည်ဖြစ်သည်။ ထို့အပြင် Mytel သည် နောက်ဆုံးအဆင့် ပြိုင်ပွဲ၏ ပွဲစဉ်နှစ်ရက်လုံးတွင်လည်း တရားဝင် ဆက်သွယ်ရေးဆိုင်ရာ ပံ့ပိုးသူအဖြစ် အင်တာနက်အသုံးပြုမှုကို ထောက်ပံ့ပေးထားခဲ့သည်။

“ဒီပြိုင်ပွဲကြီးမှာ Mytel အနေနဲ့ ဆက်သွယ်ရေးမိတ်ဖက်အဖြစ် ပါဝင်ခွင့်ရခဲ့တဲ့အတွက် အလွန်ဝမ်းမြောက်မိပါတယ်။ ကျွန်တော်တို့ Mytel ဟာ သုံးစွဲသူတွေကို ဂရုအစိုက်ဆုံးအော်ပရေတာ ဖြစ်တဲ့အားလျော်စွာ ဒေတာအသုံးများ တဲ့သုံးစွဲသူတွေအတွက် အဆင်ပြေစေမယ့် နည်းလမ်းတွေနဲ့ ပူးပေါင်းလုပ်ဆောင်မှုတွေ လုပ်ဆောင်သွားဖို့ အမြဲကြိုးစားနေပါတယ်။ ကျွန်တော်တို့Mytel မှာ အကျယ်ပြန့်ဆုံး 4G ကွန်ရက်ရှိတာကြောင့် ဂိမ်းကစားသူတွေအနေနဲ့ ဘယ်နေရာရောက်ရောက် အခက်အခဲအတားအဆီးမရှိဘဲ ကစားနိုင်မှာပါ။ သုံးစွဲသူတွေရဲ့ စကားသံတွေကို နားစွင့်ရင်း အခုလို ပူးပေါင်းလုပ်ဆောင်မှုတွေကိုလည်း စဉ်ဆက်မပြတ်လုပ်ဆောင်သွားမှာပါ။” ဟု Mytel ၏ Chief External Relations Officer ဖြစ်သူ ဦးဇော်မင်းဦးမှ ပြောကြားသည်။

နောက်ဆုံးအဆင့်ပြိုင်ပွဲတွင် Team Troopers မှ ပထမဆုအဖြစ် ငွေကျပ် ၅၅ သိန်း အား ထိုက်ထိုက်တန်တန်ဆွတ်ခူးသွားခဲ့ပြီး Team Spirit မှ ဒုတိယဆုအဖြစ် ငွေကျပ် သိန်း ၃၀ ၊ Team SAMA မှ တတိယဆုအဖြစ် ၁၀ သိန်း နှင့် Team Raid မှ စတုတ္ထဆုအဖြစ် ငွေကျပ် ၅ သိန်း အသီးသီးဆွတ်ခူးသွားခဲ့သည်။ Most Kills Player အဖြစ် ပထမဆု ရရှိသွားသော Team Troopers ၏ ကစားသမား ဖြစ်သူ TP-Tyrion မှ 24 Kills ဖြင့် ငွေကျပ် ၁သိန်း ဆွတ်ခူးသွားခဲ့ပြီး Most Kills Team ဆုအား အဆိုပါ Team Troopers မှ 64 Kills ဖြင့် ငွေကျပ် ၁ သိန်း ဆက်လက်ဆွတ်ခူးသွားခဲ့သည်။

ယခုပြိုင်ပွဲကြီးအပါအ၀င် အခြားသော မြန်မာနိုင်ငံ၏မိုဘိုင်းဂိမ်းလောက စဉ်ဆက်မပြတ်ပံ့ပိုးမှုများမှတဆင့် မြန်မာနိုင်ငံ၏ Esports အသင်းများနှင့် ကစားသမားများသည် မဝေးသောကာလတွင် ကမ္ဘာ့အဆင့်အသင်းများ၊ ကစားသမားများနှင့် ရင်ဘောင်တန်းနိုင်လာမည်ဟု Samsung Myanmar က ယုံကြည်ထားသည်။

Samsung Myanmar အနေဖြင့် မြန်မာနိုင်ငံ၏ မိုဘိုင်းဂိမ်းလောကကို ပိုမိုတိုးတက် ရေးအတွက်ပံ့ပိုးရန် ရည်ရွယ်ထားပြီး မိုဘိုင်းဂိမ်းပြိုင်ပွဲများသာမက မြန်မာတစ်နိုင်ငံလုံး၏ အခြားသောနယ်ပယ်များ ပိုမိုဖွံ့ဖြိုးလာရေးအတွက်လည်း ဆက်လက် ကူညီပံ့ပိုးသွားမည်ဖြစ်သည်။

YOU MAY ALSO LIKE

Be the first to comment

Leave a Reply

Your email address will not be published.


*