လူတိုင်းသောက်သင့်တဲ့ “ဂေါ်ဖီရည်”

ကော်ဖီလည်းမဟုတ်တဲ့ ဂေါ်ဖီရည်ကို သောက်ဖို့ဆိုတာ ဘယ်တုန်းကမှ မစဉ်းစားမိတဲ့ အရာပါ။ အနံ့၊အရသာကြောင့် သောက်လို့ကောင်းမယ့်အရာထဲမှာတော့ မပါပါဘူး။ သို့သော် ဂေါ်ဖီရည်ဟာ ကိုယ်ခန္ဓာအတွက် ကောင်းကျိုးတွေပေးနိုင်တယ်ဆိုတာကို အံ့သြဖွယ်ရာ သိရှိခဲ့ရပါတယ်။

ဂေါ်ဖီဟာ Antioxidants များအလွန်ကြွယ်ဝပြီး ကင်ဆာမဖြစ်အောင် ကာကွယ်ပေးနိုင်တဲ့ Polyphenols ၊ Sulfer ၊ဖောလစ်အက်ဆစ် ၊ ဗီတာမင်နှင့် အခြားသတ္တုဓါတ်များစွာ ပါဝင်ပါတယ်။ သူ့ရဲ့ ကောင်းကျိုးတွေကတော့

၁။အရက်သောက်သူများအတွက် အဆိပ်အတောက်ဖြေပေးပါတယ်။ အရက်အလွန်အကျွံ သောက်ပြီးတဲ့အခါ အစာခြေစနစ်မှာ ပြဿနာရပ်တွေ ပေါ်လာပါတယ်။ အရက်ဟာ အူတွင်းရှိ ကောင်းမွန်တဲ့ ဘတ်တီးရီးယားတွေကို ဖျက်ဆီးပစ်လိုက်တာကြောင့် ခန္ဓာကိုယ်အတွက် မရှိမဖြစ်လိုအပ်တဲ့ ဗီတာမင်နင့် သတ္တုဓါတ်တွေကို ကောင်းစွာ မစုပ်ယူနိုင်တော့ပါဘူး။ ဒါ့ကြောင့် ဂေါ်ဖီရည်သောက်ခြင်းက ပြန်လည်ဖြည့်တင်းပေးရာ ရောက်ပါတယ်။ ကျွမ်းကျင်ပညာရှင်များက မနက်ခင်း ဘာမှမစားခင် ဂေါ်ဖီရည် တစ်ခွက်သောက်ဖို့ တိုက်တွန်းထားပါတယ်။

၂။အစာအိမ်နာဖြစ်ခြင်းကို ကုသပေးနိုင်ပါတယ်။ တစ်နေ့လျှင် ဂေါ်ဖီရည် ၃ခွက်သောက်ခြင်းက အစာအိမ်နာဖြစ်ခြင်းကို သက်သာပျောက်ကင်းစေနိုင်တယ်လို့ ဆိုပါတယ်။  အစာအိမ်သမားများ ပုံမှန်သောက်ပေးခြင်းဖြင့် အစာအိမ်အချဉ်မပေါက်အောင်လည်း စွမ်းဆောင်ပေးနိုင်မှာပါ။

၃။ဂေါ်ဖီရည်သောက်ခြင်းက အသားအရေကို ကြည်လင်လှပစေပါတယ်။ အရေပြားကို ပျက်စီးစေတဲ့ ဆားဝက်ခြံ၊ဝက်ခြံ နှင့်အခြားသော ပြဿနာရပ်များမှ ကင်းဝေးပြီး အသားအရေ လှပစေပါတယ်။ အရေပြား ခြောက်သွေ့မှုမဖြစ်အောင် ထိန်းသိမ်းပေးပြီး အိုမင်းရင့်ရော်ခြင်းကို နှေးကွေးစေပါတယ်။ နေ့စဉ် တစ်နေ့တစ်ခွက်သောက်ခြင်းဖြင့် ကြည်လင်သန့်စင်တဲ့ အသားအရေကို ပိုင်ဆိုင်နိုင်မှာ ဖြစ်ပါတယ်။

၎။ဂေါ်ဖီရည်မှာပါဝင်တဲ့ ဆာလ်ဖာဓါတ်ဟာ ဆံပင်မသန်စွမ်းတဲ့သူတွေအတွက် များစွာ အကျိုးထူးပြီး ဆံပင်ကျွတ်ခြင်းမှလည်း လျော့နည်းသက်သာစေပါတယ်။ တစ်နေ့တစ်ခွက်သောက်ခြင်းက အသားအရေအတွက်သာမက ဆံပင်အတွက်ပါ ကောင်းမွန်မှု ရှိပြီးသား ဖြစ်မှာပါ။

ပြုလုပ်နည်း

ပန်းကန်လုံးတစ်ခုထဲသို့ ရေနှင့် ဆေးကြောသန့်စင်ထားသော ဂေါ်ဖီရွက်ကိုထည့်ပြီး ၁၀မိနစ်ခန့် ထားလိုက်ပါ။ ရေအရောင် အနည်းငယ်ပြောင်းလာတဲ့အခါမှာ ပျားရည်အနည်းငယ်ထည့်ပြီး သောက်သုံးနိုင်ပါပြီ။ မနက်ခင်းစောစောသောက်ခြင်းက ပိုပြီး ကောင်းမွန်တဲ့ရလဒ်ကို ရရှိစေပါလိမ့်မယ်။

CHAN(ရွှေအင်းလေး)

 

 

Be the first to comment

Leave a Reply

Your email address will not be published.


*