အူမကြီးကင်ဆာရဲ့ ရှေ့ပြေးလက္ခဏာရပ်ကြီးများ

အူမကြီးကင်ဆာဟာ အသက်၅၀နှင့်အထက်ရှိသူများ ၊ အူမကြီးမကောင်းသူ ။ ကင်ဆာမျိုးရိုးရှိသူများ ၊ ဆေးလိပ်သောက်ခြင်း ၊ အဝလွန်ခြင်း ၊ အရက်သောက်ခြင်း နှင့် ဆီးချိုအမျိုးအစာ၂ ဖြစ်ပွါးသူတွေမှာ အဖြစ်များလေ့ရှိပါတယ် ။ အူမကြီးကင်ဆာရဲ့ ကြိုတင်လက္ခဏာရပ်တွေကတော့ အောက်ပါအတိုင်းပဲ ဖြစ်ပါတယ် ။

၁။ဝမ်းချုပ်ခြင်း
ဝမ်းချုပ်ခြင်းဟာ အူမကြီးကင်ဆာရဲ့ အရေးပါဆုံး လက္ခဏာတစ်ရပ် ဖြစ်ပါတယ် ။အာရှပစိဖိတ်ဂျာနယ်ရဲ့ ကင်ဆာရောဂါဆိုင်ရာ လေ့လာမှုမှာ ဝမ်းချုပ်ခြင်း နှင့် အူမကြီးကင်ဆာ ဆက်စပ်မှုဟာ မြင့်မားစွာ ဆက်စပ်လျက်ရှိတယ်လို့ ဆိုပါတယ် ။

၂။ဝမ်းပျက်ခြင်း
အူမကြီးကင်ဆာရဲ့ နောက်ထပ်လက္ခဏာတစ်ခုကတော့ ဝမ်းပျက်ခြင်းပဲ ဖြစ်ပါတယ် ။ ရက်သတ္တပါတ် အတော်ကြာအောင်ထိ ဝမ်းပျက်ဝမ်းလျှောနေတာဟာ အူမကြီးနဲ့ပတ်သတ်တဲ့ ရောဂါတွေ ဖြစ်နေနိုင်ပါတယ် ။ ဒီလို ဖြစ်လာရင်တော့ မပေါ့လျော့ဘဲ ဆရာဝန်နှင့် အမြန်ဆုံး ပြသသင့်ပါပြီ။

၃။မစင်ထဲမှာသွေးပါခြင်း
လိပ်ခေါင်းကြောင့်လည်း မစင်ထဲမှာ သွေးပါနိုင်ပါတယ် ။ ဒီလို လိပ်ခေါင်းကြောင့် ထွက်တဲ့သွေးဟာ အများအားဖြင့် အနီရောင် ဖြစ်ပါတယ် ။ဒီလိုမဟုတ်ဘဲ အနီပုပ်ရောင် (သို့) အနက်ပုပ်ရောင် သွေးများ မစင်ထဲပါလာပြီဆိုရင်တော့ အူမကြီးကင်ဆာ အန္တရာယ်နဲ့ ရင်ဆိုင်နေရတာ ဖြစ်နေနိုင်ပါတယ် ။ မည်သို့ပင်ဖြစ်စေ မစင်ထဲမှာ သွေးပါခြင်းမျိုး ဖြစ်နေရင်တော့ ဘယ်လိုအကြောင်းကြောင်းကြောင့်ဖြစ်စေ နားလည်တတ်ကျွမ်တဲ့ ဆရာဝန်ဆီမှာ ကုသမှု ခံယူသင့်ပါတယ်။

၎။မစင်အရွယ်အစား သေးခြင်း
မစင်အရွယ်အစား သေးငယ်ပြီး ရှည်မြော့မြော့ ပုံစံ ဝမ်းတွေသွားနေတာလည်း အူမကြီးကင်ဆာ လက္ခဏာပါ ။ ကင်ဆာကြိတ်ဟာ အူမကြီးလမ်းကြောင်းရဲ့ ဘယ်ဘက်အလယ်လောက်မှာ တည်ရှိနေတဲ့အတွက် ဝမ်းသွားတဲ့အခါ သေးငယ်ကျဉ်းမြောင်းတဲ့ မစင်ပုံစံတွေကိုသာ ထုတ်လွှတ်ပေးပါတယ် ။ ဒီလိုမျိုးတွေ မကြာခဏ ဖြစ်လာပြီဆိုလျှင် ဆရာဝန်ကို မရှက်မကြောက်ဘဲ ဖွင့်ပြောပြီး ကုသမှု ခံယူသင့်ပါပြီ ။

၅။ဝမ်းဗိုက်ပျော့ခြင်း (သို့)နာကြင်ခြင်း
ကိုယ့်ရဲ့ဝမ်းဗိုက်ကို ကိုင်ကြည့်တဲ့အခါ ခပ်ပျော့ပျော့ပုံစံ ခံစားရလျှင် (သို့) နာကြင်မှုတွေ ခံစားနေရပြီဆိုလျှင် အူမကြီးကင်ဆာရဲ့ ကနဦး လက္ခဏာတစ်ရပ် ဖြစ်နိုင်ပါတယ် ။

၆။သွေးအားနည်းလာခြင်း
ရုတ်တရက် သွေးအားနည်းရောဂါတွေ ဖြစ်လာတာမျိုးကိုလည်း သတိထားသင့်ပါတယ် ။သွေးအားနည်းလာတဲ့အခါ အသားအရေ ဖျော့တော့လာခြင်း ၊ သွေးခုန်နှုန်းမြန်လာခြင်း ၊ အသက်ရှူမဝခြင်း ၊ ခေါင်းမူးခေါင်းကိုက်ခြင်း ၊ နေထိုင်မကောင်းခြင်း နှင့် လက်ဖျားခြေဖျားများ အေးစက်လာခြင်းတို့ ဖြစ်လာတတ်ပါတယ် ။ ကင်ဆာကျိတ်ဖြစ်လာတဲ့အခါ အစာခြေလမ်းကြောင်းထဲသို့ သွေးထွက်ကာကုန်ဆုံးတတ်ခြင်းကြောင့် သွေးအားနည်းတာမျိုးတွေ ဖြစ်လာတာပါ ။ ဒ့ါကြောင့် နဂိုတည်းက သွေးအားနည်းတတ်သူမဟုတ်ဘဲ ရုတ်တရက် သွေးအားနည်းရောဂါမျိုးတွေ ကြုံတွေ့နေရတာဟာ အူမကြိးကင်ဆာရဲ့ လက္ခဏာတစ်ခု ဖြစ်နိုင်ပါတယ် ။

၇။အကြောင်းအရင်းမရှိ ကိုယ်အလေးချိန်ကျသွားခြင်း
အကြောင်းအရင်းမရှိဘဲ ကိုယ်အလေးချိန်ကျသွားခြင်းဟာ အခြားရောဂါများလည်း ဖြစ်နိုင်သလို အူမကြီးကင်ဆာရဲ့ လက္ခဏာတွေထဲမှာလည်း တစ်ခုအပါအဝင်ဖြစ်ပါတယ် ။ ဒါ့ကြောင့် မိမ်ိမှာ အကြောင်းပြချက်မရှိဘဲ တဖြေးဖြေး ပိန်ပိန်လာတယ်ဆိုလျှင် နားလည်တတ်ကျွမ်းတဲ့ ဆရာဝန်နဲ့ တိုင်ပင်ဆွေးနွေးပြီး ရောဂါစစ်ဆေးမှုများ ပြုလုပ်သင့်ပါတယ် ။

၈။ပင်ပန်းအားနည်းလာခြင်း
မောပန်းနွမ်းနယ်မှုတွေ အမြဲလိုလို ခံစားနေရတယ် ၊ အားအင်ချိနဲ့တာတွေ ဖြစ်လာတယ်ဆိုရင်လည်း မပေါ့လျော့သင့်ပါဘူးနေ်ာ ။ ဆေးရုံ ၊ ဆေးခန်းသွားကာ စစ်ဆေးသင့်ပါပြီ ။

၉။ လေထိုး၊လေပွဖြစ်ခြင်း
အူမကြီးအတွင်းမှာရှိတဲ့ ကင်ဆာအကြိတ်ကြောင့် လေထိုး၊လေပွ ဖြစ်နိုင်ပါတယ် ။ အစာအိမ်ကြောင့်လည်း ဖြစ်နိုင်တာကြောင့် ကွဲကွဲပြားပြား သေချာသိအောင် ကျန်းမာရေး ဆေးစစ်မှုများ ခံယူဖို့ လိုပါတယ် ။

အူမကြီးကင်ဆာမဖြစ်အောင် နေထိုင်နည်းမှတ်ချက်
– လတ်ဆတ်သော အသီးအရွက်များကိုသာ စားသုံးပါ။
– အရက်သောက်ခြင်း ၊ ဆေးလိပ်သောက်ခြင်း ရှောင်ကြဉ်ပါ ။ (မရှောင်နိုင်လျှင်လည်း အလွန်အကျွံမသောက်မိပါစေနှင့် )
– တစ်နေ့လျှင် နာရီဝက်ခန့် လေ့ကျင့်ခန်း ပြုလုပ်ပေးပါ ။ အနည်းဆုံး တစ်ပါတ်၅ရက် ပြုလုပ်ပါ။
– ကိုယ်အလေးချိန် များနေလျှင် ကျန်းမာရေးနှင့် ညီညွတ်စွာ ထိန်းသိမ်းနေထိုင်ပါ။
– အူမကြီးကင်ဆာရောဂါမှ ကာကွယ်ရန် မှန်ကန်တဲ့ စစ်ဆေးမှုတွေ ပြုလုပ်ပါ။

CHAN(ရွှေအင်းလေး)

Be the first to comment

Leave a Reply

Your email address will not be published.


*