ဗုဒ္ဓဟူး ၊ ရာဟု သားသမီးတွေရဲ့အကြောင်း တစေ့တစောင်း

ဗုဒ္ဓဟူး ၊ ရာဟု သားသမီးတွေရဲ့ စိတ်နေသဘောထားလေးတွေလည်း သိချင်ကြမယ်ထင်ပါတယ် ။ သူတို့ရဲ့ အကြောင်းလေးတွေ လေ့လာထားသလောက် ဖော်ပြပေးလိုက်ပါတယ် ။အကုန်မှန်မယ်လို့ မဆိုလိုပါဘူးနော် ။ တိုက်ဆိုင်သွားတဲ့ အချက်တွေရှိရင်လည်း ပြောသွားကြပါဦး..

– ဗုဒ္ဓဟူး / ရာဟု တွေကတော့ အသိဥာဏ်ပညာ နဲ့ ပြည့်စုံပြီး အရာရာမှာ စဉ်းစားဆင်ခြင်တတ်ကာ အထူးသဖြင့် အလုပ်နဲ့ ပတ်သတ်လာလျှင် အရမ်းတော်ပါတယ် ။
– အလွန်ရှုပ်ထွေး ခက်ခဲသော ကိစ္စရပ်တွေကိုလည်း ကောင်းမွန်စွာ ဖြေရှင်းနိုင်ပါတယ် ။
– မိမိပုံစုံ ဒါမှမဟုတ် အခြားသူတွေရဲ့ ပုံစံတွေနဲ့ ပတ်သတ်လို့ ဘယ်လိုဘယ်ပုံဆိုတာကို  ခေါင်းထဲမထားတတ်ဘဲ သူတို့ရဲ့ စိတ်ကိုက အရမ်းရိုးရှင်းပါတယ် ။
– သို့သော် စူးစမ်းတတ်တဲ့ သဘာဝရှိပြီး မေးခွန်းတွေများစွာ မေးကာ အဖြေရှာတတ်ပါတယ် ။ အပြန်အလှန် အသိပညာတွေ ဖလှယ်ရတဲ့အခါမျိုးဆို အရမ်းကို တက်ကြွနေတတ်ကြပါတယ်တဲ့ ။
– ကိုယ့်ဘဝကို ပျော်ရွှင်ကျေနပ်နေတတ်ပြီး ရှိတာနဲ့ ရောင့်ရဲတတ်ကြပါတယ်။
– လုပ်ငန်းမှာလည်း ထူးချွန်အောင်မြင်အောင် လုပ်တတ်ပြီး သူတစ်ပါးကို ကြီးကြပ်ညွှန်ကြားရတဲ့ အလုပ်မျိုးနဲ့ အရမ်းကို သင့်တော်ပါတယ်။
– အလုပ်ကြိုးစားတတ်သူ ၊  အလုပ်မှာ စိတ်ပါဝင်စားတတ်သူများဖြစ်တာကြောင့် အချစ်ရေးကိစ္စတွေမှာ လစ်ဟင်းနိုင်ပါတယ် ။ ဒါ့ကြောင့် အလုပ် နှင့် အချစ် ကို သပ်သပ်ခွဲထားဖို့ လိုပါမယ် ။
– ညနေ ၆နာရီနောက်ပိုင်းမှာ မွေးဖွားတဲ့ ဗုဒ္ဓဟူးသမီးတွေဟာ သူများနဲ့မတူ တမူထူးခြားတဲ့ အကျင့်စရိုက် ရှိသူတွေပါ ။ ရုပ်ဝါဒီသမားဖြစ်ပြီး ဥာဏ်ကောင်းကာ အလွန်ပါးနပ်ကြပါတယ် ။ တစ်စုံတစ်ခု ပြုလုပ်တိုင်း တန်ပြန်အကျိုးသက်ရောက်မှု ရှိကိုရှိပါတယ် ။
– အကျဉ်းခြုံးပြောရရင်တော့ ဗုဒ္ဓဟူးသားသမီးတွေက အသိဥာဏ်ကြွယ်ဝတယ် ၊အလုပ်အရမ်းကြိုးစားတယ် ၊ သူတို့ကိုသာ ရွေးချယ်ရင် ထမင်းမငတ်စေရဘူးဆိုတာတော့ သေချာပါတယ်။

အာလုံးပဲ ကျန်းမာပျော်ရွှင်ကြပါစေ..

CHAN (ရွှေအင်းလေး)