Dual Camera တပ်ဆင်ထားမယ့် တန်ဖိုးနည်း Xiaomi Redmi S2

Xiaomi အနေနဲ့ 18:9 Screen ပါပြီး Dual Camera တပ်ဆင်ထားမယ့် တန်ဖိုးနည်း ဖုန်း အသစ်တစ်လုံးကို ထုတ်လုပ်ဖို့ ပြင်ဆင်နေပါတယ်။ သူ့ကို Xiaomi Redmi S2 လို့ အမည်ပေးထားပြီး  သတင်းအချက်အလက်များကို @FunkyHuawei က ဖော်ထုတ်ထားပါတယ်။ Redmi S2 ကိုအရင်ဆုံး အိန္ဒိယနဲ့ တရုတ်မှာ ရောင်းချမှာ ဖြစ်ပါတယ်။

Redmi S2 မျက်နှာပြင် အရည်အသွေးမှာ 720x1440px ဖြစ်ပြီး LCD Screen အမျိုးအစား ဖြစ်ပါတယ်။ မျက်နှာပြင်ရဲ့ အရွယ်အစားကိုတော့ မသိရသေးပါဘူး။ သူ့ကို Redmi Note 5 မှာ သုံးထားတဲ့ Qualcomm Snapdragon 625 Chipset မောင်းနှင်မှာ ဖြစ်ပါတယ်။ Xiaomi Redmi S2 မှာ Android 8.1 Oreo ထည့်သွင်းထားမှာပါ။ 16GB Internal Storage သာပါပေမယ့် Storage ကို မြှင့်တင်ဖို့အတွက် microSD Card Slot ပါပါတယ်။

Xiaomi Redmi S2 မှာ အနောက်ကင်မရာ နှစ်လုံး တပ်ဆင်ထားပြီး 12MP+5MP များ ဖြစ်ပါတယ်။ အရှေ့ဘက်မှာ 5MP Selfie Camera တစ်လုံး ပါပါတယ်။ ပင်မ ကင်မရာဟာ Redmi Note 5 Pro နဲ့ တူညီမယ်လို့ ထင်ရပါတယ်။ နောက်ခံမှုန်ဝါးတဲ့ Portrait Mode နဲ့ EIS များ ပါပါတယ်။ အရှေ့ဘက် ကင်မရာမှာ Face Unlock စွမ်းရည်ပါပါတယ်။ လက်ဗွေရာ ဆန်ဆာ ပါမလားတော့ မသိသေးပါဘူး။ သူ့မှာ 3080mAh Battery ထည့်ပေးထားပါတယ်။ ယခုလ ၂၅ ရက်နေ့မှာ သူ့ကို Mi 6X နဲ့အတူ မိတ်ဆက်သွားမှာဖြစ်ပါတယ်။

ကျော်စိုးမိုး(ရွှေအင်းလေး)

Be the first to comment

Leave a Reply

Your email address will not be published.


*