Latest post

အရမ်းချစ်ကြတဲ့ ချစ်သူစုံတွဲတွေ ဘာလို့ ချစ်လျက်လမ်းခွဲခဲ့ကြတာလဲ

Relationship တစ်ခု ကြာရှည်တည်မြဲဖို့ဆိုတာ နှစ်ဦးစလုံးရဲ့ သစ္စာရှိမှု၊ နားလည်မှုတွေ များစွာ ပါဝင်နေပါတယ်။ ဒါပေမယ့် ဖောက်ပြန်မှ၊ သစ္စာဖောက်မှ ဒီ အချစ်ရေးက ပျက်စီးသွားတတ်တာ လို့တော့ မထင်လိုက်ပါနဲ့။ ဘာမဟုတ်တဲ့ အကြောင်းအရာအသေးအမွှားလေးနဲ့လည်း နားလည်မှုတွေ လွဲပြီး အနှစ်နှစ်အလလ တည်ဆောက်ခဲ့တဲ့ Relationship တစ်ခုလုံးက ပျက်စီးသွားရတဲ့ ချစ်သူ စုံတွဲတွေ အများကြီးရှိနေပါတယ်။ အရမ်းချစ်ခဲ့ကြပြီးမှ ဘာ့ကြောင့် ပြတ်သွားကြတာလဲလို့ မေးရင် ပြန်ပြောစရာ အဖြေရှာမရဘဲ ဖြစ်နေတဲ့အခါ ချစ်လျက်လမ်းခွဲ ဆိုပြီး လွယ်လွယ်သတ်မှတ် လိုက်ကြ ပါတယ်။ အမှန်တော့ ချစ်လို့ လမ်းခွဲတယ်ဆိုတာ ပုံပြင်၊ ဇာတ်လမ်းတွေထဲမှာပဲ ရှိကောင်း ရှိနေပါ လိမ့်မယ်။ ဒါက ဆင်ခြေသက်သက်တစ်ခုလို့ပဲ ထင်မိပါတယ်။ ဒါဆို ဘာလို့ လမ်းခွဲလိုက်ကြ တာလဲ ? သင်တို့နှစ်ဦးသားရဲ့ အချစ်ရေးကို သင်တို့ကိုယ်တိုင်ကပဲ ဖျက်စီးနေတာပါ။ တချို့သော အရာတွေက သင်တို့ရဲ့ အချစ်ရေးကို ပိုမိုရှုပ်ထွေးသွားစေတာကို ဆင်ခြင်တတ်ဖို့ လိုပါတယ်။

(၁) အရမ်းသည်းသည်းလှုပ်ချစ်နေခြင်းကြောင့်

တစ်ဦးနဲ့ တစ်ဦး အရိပ်တကြည့်ကြည့်နဲ့ သည်းသည်းလှုပ်ဖြစ်လွန်းရင်လည်း ဒီအချစ်ရေးက ကြာရှည်မခံနိုင်ပါဘူး။ အထူးသဖြင့် Relationship တစ်ခုရဲ့ အစပိုင်းလောက်မှာကတည်းက တစ်ဦးနဲ့ တစ်ဦး အသေးစိတ်စောင့်ကြည့်ပြီး ချုပ်ချယ်တာမျိုးက အဆင်မပြေနိုင်ပါဘူး။ ဖေ့စ်ဘုတ်၊ အင်စတာဂရမ် စတဲ့ ဆိုရှယ်မီဒီယာပေါ်မှာ သူဘာလုပ်နေမလဲ၊ သူဘယ်ကောင်မလေးကို ကွန့်မန့်တွေပေးနေမလဲ၊ သူတော့ ဘယ်ကောင်လေးနဲ့ စကားတွေ ပြောနေမလဲ စသဖြင့် အသေးစိတ် လေ့လာစောင့်ကြည့်တာကျတော့ အချိန်ကြာလာတဲ့အခါ သံသယစိတ်နဲ့ စောင့်ကြည့်တယ်လို့ အထင်လွဲခံရနိုင်ပါတယ်။ ဒီတော့ အရမ်း Serious ဖြစ်ပြီး သည်းသည်းလှုပ်ချစ်တာကို နည်းနည်းတော့ လျော့သင့်ပါတယ်။

(၂) အမြဲတမ်းသဝန်တိုခြင်းကြောင့်

တစ်ယောက်နဲ့တစ်ယောက် သဝန်တိုမှ တကယ်ချစ်ကြတာလို့ ပြောကြပါတယ်။ ဒါပေမယ့် နေရာတိုင်း၊ အရာရာတိုင်းကို သဝန်တို အူတိုနေမယ်ဆိုရင်တော့ အချုပ်အနှောင်တွေနဲ့ အနေကြပ်သွားစေပါတယ်။ ယောက်ျားလေး သူငယ်ချင်းတွေနဲ့ သွားလာတာမျိုးကို သဝန်တိုသင့်ပေမယ့် အရာရာတိုင်းကို ပိတ်ဆို့တားဆီးနေတာမျိုးအထိ ချုပ်ချယ်မိသွားရင်တော့ အချိန်ကြာလာတဲ့အခါ သဝန်တိုခံရသူကလည်း စိတ်မသက်မသာဖြစ်လာတတ်ပါတယ်။ ဒီလိုနဲ့ပဲ ပြဿနာတွေဖြစ်ပြီး အပြတ်ပြတ်နဲ့ နှာခေါင်းသွေးထွက် တဲ့အဖြစ်မျိုး ဖြစ်လာနိုင်လို့ ဆင်ခြင်သင့်ပါတယ်။

(၃) ဒရာမာဇာတ်ခင်းလွန်းတာကြောင့်

ဒါကတော့ မိန်းကလေးအများစု ရှောင်ရမယ့်အရာပါပဲ။ ချစ်သူက ဂရုမစိုက်လို့၊ ချစ်သူက အရင်လို မချစ်တော့လို့ စသဖြင့် အမျိုးမျိုး တွေးတောပြီး ရစ်လိုက်၊ ပြဿနာရှာလိုက်နဲ့ ဒရာမာဇာတ်ခင်းနေရင် ရေရှည်တည်မြဲတဲ့ အချစ်ရေးကို မရနိုင်ပါဘူး။ ရေရှည်ခိုင်မြဲတဲ့ အချစ်ရေးကို တည်ဆောက်ချင်တယ် ဆိုရင် ဒီလို ဒရာမာ ဆန်နေလို့ မရပါဘူး။ တခါတရံ ရစ်တာလောက်ကတော့ ပြဿနာမရှိပေမယ့် အရမ်းချစ်လိုက်၊ မချစ်တော့ဘူးဆိုပြီး အသည်းကွဲပြလိုက်နဲ့ အမျိုးမျိုး ရန်ဖြစ်နေကြမယ် ဆိုရင်တော့ ရင့်ကျက်မှု မရှိသေးတဲ့ Relationship တစ်ခုအဖြစ်နဲ့ပဲ အဆုံးသတ်ရပါလိမ့်မယ်။

(၄) အရင်ရည်းစားဟောင်းနဲ့နှိုင်းယှဉ်မှုကြောင့်

တချို့ စုံတွဲတွေဆိုရင် ရှိပါတယ်။ ရန်ဖြစ်တဲ့ အချိန်တိုင်း ကိုယ့်ရဲ့ အရင်ရည်းစားဟောင်းနဲ့ နှိုင်းယှဉ်ပြီး ပြောတာတွေ၊ အရင်အတိတ်က ကိစ္စရပ်တွေကို ပြန်ဖော်ထုတ်တာမျိုးပေါ့။ ဒါကလည်း သင်တို့နှစ်ဦးရဲ့ အချစ်ရေးကို ဆူးညှောင့်ခလုတ်ဖြစ်စေတဲ့ အရာပါပဲ။ ပါးစပ်က ထုတ်မပြောရင်တောင်မှ သူ အရင်ရည်းစားလောက် ငါ့ကိုချစ်ရဲ့လား၊ ငါ့အရင်ရည်းစားကတောင် သူ့ထက် င့ါကို ပိုချစ်နိုင်သေးတယ် စသဖြင့် အတွေးပေါင်းများစွာ ဝင်နေမိရင်လည်း ဒီအချစ်ရေးက ရေရှည်ခိုင်မြဲမှာ မဟုတ်ပါဘူး။ ဒါ့ကြောင့်လက်ရှိနဲ့ အနာဂတ်ကိုသာ ကြည့်စေချင်ပါတယ်။

(၅) မိမိကိုယ်ကိုယုံကြည်မှု မရှိခြင်းကြောင့်

မိမိကိုယ်ကို ယုံကြည်မှု အပြည့်ရှိတဲ့သူတွေက နေရာတိုင်းမှာ တစ်ဗန်းသာပါတယ်။ ဒီလိုပါပဲ၊ အချစ်ရေးမှာလည်း သူများကို ယုံကြည်ဖို့ထက် မိမိကိုယ်ကို ယုံကြည်မှု ရှိရဲ့လားဆိုတာကို သေချာပြန်ဆန်းစစ်ကြည့်ပါ။ ဒီ Relationship တစ်ခုကို အကောင်းဆုံး control လုပ်နိုင်ဖို့ စိတ်ကို ပြင်ဆင်ထားပြီးပြီလား၊ ဘယ်လောက်ထိ ရင့်ကျက်မှု ရှိနေပြီလဲ စသဖြင့် မိမိကိုယ်ကို သုံးသပ်ပြီး ယုံကြည်မှု ရှိရှိ လက်တွဲသွားနိုင်ဖို့ လိုပါတယ်။ ရေရှည်တည်မြဲတဲ့ အချစ်ရေးကို တည်ဆောက်သွားဖို့ မိမိကိုယ်ကို ယုံကြည်မှုအပြည့်ရှိနေရင်တော့ ဘာပြဿနာတွေပဲ ဖြစ်လာပါစေ၊ အကောင်းဆုံးရင်ဆိုင် ကျော်လွှားနိုင်မှာပါပဲ။

ရွှေရောင် (ရွှေအင်းလေး)

Be the first to comment

Leave a Reply

Your email address will not be published.


*