နှစ်အတော်ကြာ လိင်ပိုင်းဆိုင်ရာနှောင့်ယှက်ခဲ့တဲ့ ဖခင်ကို သမီး ၃ ယောက်က ဓါးနဲ့အချက်ပေါင်းများစွာထိုးသတ်

နှစ်အတော်ကြာ လိင်ပိုင်းဆိုင်ရာနှောင့်ယှက်မှုကျူးလွန်ခံရခြင်းတွေကြောင့် မာဖီးယားဂိုဏ်း သူဌေး ဖခင်ဖြစ်သူကို သမီး ၃ ဦးမှ ဓါးထိုးသတ်ပစ်ခဲ့တယ်လို့ သိရပါတယ်။ ရုရှား၊ မော်စကိုမှာ နေထိုင်ကြတဲ့ မိသားစုမှာ ဖခင်ဖြစ်သူ အသက် ၅၇ နှစ်အရွယ် မာဖီးယားဂိုဏ်းသူဌေး မစ်ခ်ဟေးခါချက်တူရန်ဆိုသူကို သူ့ရဲ့ သမီးဖြစ်သူတွေဖြစ်ကြတဲ့ အသက် ၁၉ နှစ်အရွယ် ခရစ်တီနာ၊ အသက် ၁၈ နှစ် အိန်ဂျလာ၊ အသက် ၁၇ နှစ် မာရီယာတို့ သုံးဦးသားဟာ သတ်ပစ်ခဲ့ကြတယ်လို့ ရဲတပ်ဖွဲ့က သတင်းပေးဖို့ ဖော်ပြ ထားပါတယ်။

သတင်းတွေရဲ့ ဖော်ပြချက်ထဲမှာ သမီးဖြစ်သူတွေဟာ ဖခင်ဖြစ်သူရဲ့ လိင်ပိုင်းဆိုင်ရာ နှောင့်ယှက်စော် ကားမှုတွေနဲ့ မတရားအနိုင် ကျင့်မှုတွေကို နှစ်ကာလကြာ ကြုံတွေ့ခံစားခဲ့ကြရတယ်လို့ သိရပါတယ်။ ဒီ့ အတွက်ကြောင့် သမီးဖြစ်သူတွေဟာ ဖခင်ဖြစ်သူကို ဓါးထိုးသတ်ပစ်ဖို့ ကြံစည်ခဲ့ကြပြီးတော့ ဓါးအချက် ပေါင်းများစွာနဲ့ ထိုးသတ်ခဲ့ပြီးနောက် နေအိမ်တိုက်ခန်းပိတ်ထားခဲ့ကြတာဖြစ်ပါတယ်။

မော်စကိုရဲတပ်ဖွဲ့ရဲ့ သတင်းဖြေကြားချက်အရ သမီး ၃ ဦးစလုံးတို့ဟာ ဖခင်ဖြစ်သူ သေဆုံးမှုနဲ့ လူ သတ်မှု ပတ်သက်ဆက်စပ်နေကြပြီး သူတို့တွေဟာ မူးယစ်ဆေးဝါးစွဲလန်းနေတဲ့ ဖခင်ဖြစ်သူရဲ့ နှောင့် ယှက်မှုတွေကို နှစ်အတော်ကြာခံစားခဲ့ကြရသူတွေလည်း ဖြစ်တယ်လို့ ဆိုပါတယ်။ သမီးအရင်းတွေကို လိင်ပိုင်းဆိုင်ရာနှောင့်ယှက်စော်ကားသူ ဖခင်ကို သမီး ၃ ဦးသားက မသေမချင်း ဓါးအချက်ပေါင်းများ စွာ ထိုးသတ်ခဲ့မှုနဲ့ မိန်းကလေး ၃ ဦးစလုံးဟာ ထောင်ဒဏ် ၁၅ နဲ့အထက် ကျခံရနိုင်တယ်လို့လည်း သိရပါတယ်။

သမီးတစ်ဦးကတော့ သူမတို့ဟာ ဖခင်ဖြစ်သူကို အလွန်မုန်းတီးကြောင်းနဲ့ သူမတို့ကို နှိပ်စက်အနိုင် ကျင့်နေတဲ့ သူကို လုံးဝအပြီးတိုင်ပျောက်ကွယ်သွားစေချင်တဲ့အထိ ဖြစ်ခဲ့တယ်ဆိုတဲ့အကြောင်းကို ရဲ တပ်ဖွဲ့ မေးမြန်းချက်မှာ ဖြေကြားထားပါတယ်။

မေ(ရွှေအင်းလေး)

YOU MAY ALSO LIKE

Be the first to comment

Leave a Reply

Your email address will not be published.


*